Үйлчлүүлэгчдийн үлдээсэн панчаныг дахин ашигласан зөрчил илэрчээ

0
833

Гёнги мужын цагдаагийн тусгай байгууллагаас өнгөрсөн 10-р сарын 10-ны өдрөөс 23-ны өдөр хүртэл тус мужид үйл ажиллагаагаа явуулж буй 550-н хоолны газруудад гэнэтийн шалгалт хийсэн байна. Эдгээр хоолны газруудаас 158 нь эрүүл ахуйн шаардлага хангаагүй болон хууль бус үйлдэл хийж байсан нь тодорхой болжээ. Түүнчлэн хугацаа нь дууссан хүнс хэрэглэж байсан, импортын барааг дотоодын бараа бүтээгдэхүүн хэмээн хууран борлуулж байсан, үйлчлүүлэгчдын үлдээсэн хачирыг хадгалж байгаад өөр үйлчлүүлэгчдэд өгч байсан зэрэг зөрчлүүд илэрсэн байна. Энэ төрлийн зөрчилд мөнгөн торгууль болон цаашлаад эрүүгийн хариуцлага хүртэл авагддаг ажээ. Үйлдвэрлэсэн газрыг нь худлаа мэдүүлэн зарж борлуулсан тохиолдолд дээд тал 7-н жилийн хорих ял болон 100 сая хүртэлх воны мөнгөн торгууль, хугацаа нь дууссан бүтээгдэхүүн ашигласан тохиолдолд 3 хүртэлх жилийн хорих ял болон 30 сая хүртэлх воны мөнгөн торгууль авдаг байна. Цагдаагийн байгууллагаас цаашид ч хоолны газруудад гэнэтийн шалгалт хийхээ өнөөдөр /2019.11.21/ мэдэгдсэн ажээ.

WWW.MGLRADIO.COM
Солонгос мэдээ булан