Үсээ будуулснаас болж арьсны өнгө нь өөрчлөгджээ

0
801

Өнгөрсөн жил Сөүлийн нэгэн үсчинд Хенна буюу Lawsonia inermis гэх бутны навч агуулсан байгалийн гаралтай үсний будгаар 60 настай иргэн үсээ будуулсан байна. Тус иргэн үсээ будуулаад удалгүй духнаасаа эхлэн нүүр нь харлаж эхэлсэн бөгөөд одоо нүүр нь тэр чигтээ харлажээ. Тэрээр “Байгалийн гаралтай үсний будаг гэхээр үс гэмтээхгүй эрүүл байлгана хэмээн бодож үсээ будуулсан гэтэл эсрэгээрээ нүүр нь хүртэл харласанд гомдолтой байна” гэжээ. Мөн үүнтэй адил тохиолдол 2 жилийн өмнө ч гарч байсан бөгөөд мөн адил Хенна навч агуулсан үсний будгаар үсээ будуулсан иргэний нүүрний арьс харласан байна. Тус иргэн одоог хүртэл арьсандаа эмчилгээ хийлгэж байгаа хэдий ч төдийлөн үр дүнд хүрэхгүй байгаа аж. Мөн тэрээр “Цаг хугацаа өнгөрөх тусам үнэхээр хэцүү санагдаж байна. Эмнэлгийн төлбөрт гэхэд л найман сая вон хэдийн зарцуулсан ч үр дүн багатай байгаа, өөртөө итгэх итгэл хүртэл багасаж байна” хэмээжээ. Хэрэглэгчид Хенна навч орсон бүтээгдэхүүнийг байгалийн гаралтай үс гэмтээхгүй хэмээн сонгодог хэдий ч хэд хэдэн хохирсон тохиолдол илрээд байгаа аж. Сүүлийн 5 жилийн дотор тус үсний будагтай холбоотой 350 гаруй хохирсон мэдээлэл ирж байсан байна. Одоогоор Солонгосын хүнс, эмийн аюулгүй байдлын газраас шалгалт хийж байгаа хэдий ч хэрэглэгчдэд сөрөг нөлөө үзүүлж байгаа шалтгааныг олж илрүүлээгүй байгаа юм.  

WWW.MGLRADIO.COM
Солонгос мэдээ булан