Өөрийгөө хамгаалж цагдаад хандсан “харласан” иргэнийг илчлэхгүй

Leave a Comment
2312

Хууль зүйн яамнаас мэдээлснээр 2018 оны байдлаар Солонгос улсад 355,126 мянган иргэн хууль бусаар оршин сууж байна. Энэ тоо баримт жил ирэх тусам нэмэгдсээр байгаа бөгөөд эдгээр иргэд ямар нэгэн байдлаар бусдад дарамтлуулах, бэлгийн дарамтад өртөх, залилуулах, зодуулах, амь насанд нь халдахыг завдах гэх мэт хэргүүдэд өртсөөр байгаа юм. Учир нь хууль бусаар оршин сууж байгаа иргэдийг цагаачлалын албанд мэдэгдэн хөөлгөнө хэмээн сүрдүүлсний улмаас “харласан” иргэд өөрийг нь дарамтлан, хүч хэрэглэсэн этгээдийг цагдаад мэдүүлж чаддаггүй байна. Тиймээс уг асуудлыг багасгахын тулд Солонгос улсын хууль зүйн яам болон цагдаагийн байгууллагаас хууль бусаар оршин сууж байгаа иргэн цагдаад хандсан тохиолдолд тус цагдаагийн байгууллага “харласан” иргэний талаарх мэдээллийг цагаачлалын албанд мэдүүлэхгүй байх тогтолцоог 2013 оноос хойш хэрэгжүүлээд байгаа юм. Цагдаагийн байгууллагаас тус тогтолцоог олонд таниулах ажлыг одоог хүртэл явуулж байгаа ба “харласан” иргэдэд хүч хэрэглэх явдлыг багасгахын тулд анхаарч ажиллаж байгаагаа мэдэгджээ.

WWW.MGLRADIO.MN
Солонгос мэдээ булан