Солонгосчууд дахин боловсруулсан мах, махан бүтээгдэхүүнийг хавдар үүсгэх хэмжээнд хүртэл хэрэглэдэггүй

Leave a Comment
51

 

 

news_1446447635_536505_m_1.jpg

 

     Дэлхийн Эрүүл Мэндийн Байгууллага хэдхэн хоногийн өмнө хиам, зайдас, шарсан, утсан мах гэх мэт дахин боловсруулсан бүтээгдэхүүн нь хүний биед хавдар үүсгэж байна хэмээн мэдээлэлсэн билээ.

      Тус байгууллагын мэдээлэлсэнээр өдөр тутам 50 грамм хиам, зайдас хэрэглэсэн тохиолдолд хавдраар өвдөх магадлал 18% болж нэмэгддэг бол өдөр тутам 100 грамм шарсан, утсан мах хэрэглэсэн тохиолдолд хавдраар өвдөх магадлал 17% болж нэмэгддэг гэжээ.

       Иргэд ихээхэн болгоомжилж байгаа дээрх мэдээлэлд өнөөдөр Солонгос улсын Хүнсний Аюулгүй Байдлыг Хянах Хорооноос мэдэгдэл хийлээ.

       Уг мэдэгдэлд “2010-2013 онуудад хийсэн судалгаагаар нэг Солонгос иргэн өдөр дунджаар 6 грамм хиам, зайдас , 61,5 грамм шарсан, утсан мах хэрэглэж байгаа судалгааны хариу бий. Энэ нь хавдар үүсгэх магадлалтай өдөр тутмын хэрэглээний дунджаар 12% бөгөөд энэ тохиолдолд бид хавдар өвчин үүсгэх аюултай хэмээн болгоомжлох хэрэггүй юм.  Өөрөөр хэлбэл өнөөгийн бидний хэрэглээнд ДЭМБ-ын гаргасан судалгааны хариу муу байдлаар нөлөөлөхгүй гэж ойлгож болно. ДЭМБ өнгөрсөн удаа “Хиам болон зайдас зэрэг бүтээгдэхүүний найрлагад “Натри” бодис багагүй агуулагддаг. Тэгвэл нэг хүний өдөрт хэрэглэх “Натри” бодисны хэмжээ нь түүний биеийн жингийн нэг кг тутамд  0~0.06 миллиграмм байх ёстой гэсэн мэдэгдэл гаргаж байсан. Тухайн үед болон өнөө үед ч Солонгос улсын нэг иргэний өдөр тутмын “Натри” бодисын хэрэглээ нь ДЭМБ-аас гаргасан хэмжээний 11.5% байгаа тул бид дээрх мэдэгдэлд санаа зовохгүй байж болно” хэмээн албан ёсоор мэдэгдлээ.