Түргэн хоолны "Mc Donald’s" газар нь ажлын цагийг секундээр тооцдог хэмээн шүүмжлүүлжээ

Leave a Comment
13

 

00551913401_20160301_99_20160301090604.jpg

 

    Өнөөдөр Өмнөд Солонгос улсын ажилчдын эрх ашгийг хамгаалах нэгэн байгууллага, түргэн хоолны “Mc Donald’s” газар нь ажлын цагийг секундээр тооцож байгааг шүүмжилжээ.

    Тус байгууллагад түргэн хоолны газар цагийн ажил хийдэг оюутан голдуу залуус хандсан ба тэдний мэдээлснээр “Mc Donald’s”-д ажлын цаг эхлэн гар угаахад 5 секунд, гамбургийн талх халаахад 3-5 секунд, гамбургийн талхан дээр шарсан мах, ногоо, улаан лооль зэргийг тавьж бооход 45 секунд, гэрт хүргэх захиалгат үйлчилгээ 17 минут гэх мэтээр цаг бүрийг нарийвчлан тусгасан журам байдаг ажээ.

    Энэхүү журмын дагуу ажиллах үед халуун хавтанд гараа түлэх тохиолдол их байдаг хэдий ч байгууллагын зүгээс ямар нэгэн байдлаар анхны тусламж үзүүлдэггүй байна. 

    Тиймээс 45-н секундийн хугацаанд бэлэн болгох ёстой гамбургийг бэлтгэхийн тулд тэнд ажиллаж байгаа ажилчдын эрх ашиг алдагдаж байгаа тул,тэд гамбургийг 45-н секундэд бэлэн болгодог журмыг  өөрчлөх шаардлага тавьсан ажээ.

 

 

WWW.MGLRADIO.COM
Солонгос мэдээ булан.