Украйн улсын фото зурагчин, Сөүл хот дах 555 метр өндөр барилгын орой дээр гарчээ

Leave a Comment
17

 

 

20160317140408175zwjl.jpg

   Украйн улсын иргэн, фото зурагчин Виталий Раскалов өчигдөр өглөөний 06 цаг 45 минутад Өмнөд Солонгос улсын Сөүл хотод баригдаж байгаа 555 метр “Lotte Tower” цамхгийн орой дээр гарчээ.

    Тэрээр ямар нэгэн хамгаалах хэрэгсэл хэрэглэлгүйгээр дэлхийн хамгийн өндөр барилгуудын орой дээр гарч түүнийгээ баталгаажуулан өөрийнхөө зургийг авдаг гэдгээрээ алдартай нэгэн юм.

    Виталий Раскалов нь өөрийн найзын хамт “Lotte Tower”цамхгийн хашааг нууцаар даван орж, 123 давхар өөд явган өгсөж улмаар цамхгийн хамгийн дээр байрлах 40 метр өндөр төмрөн орой дээр гарсан байна.

    Тэрээр “Lotte Tower” цамхагийн орой дээр авирч байх үедээ хийсэн видео бичлэгийн хэсгээс өнөөдөр интернэтэд оруулсан бөгөөд долоон минут үргэлжлэх уг бичлэгийг нэг өдрийн дотор 500-н мянга гаруй хүн үзсэн ажээ.

     “Lotte Tower” цамхаг нь Сөүл хотын төвд оршдог ба 2009 онд анх барилгын шавыг тавьсан бол 2015 оны 12-р сарын 22-нд 123 давхар, 555 метр өндөр барилгын ажил бүрэн дууссан байна. 

     “Lotte Tower” цамхгийн доод давхруудын ихэнх нь ашиглалтад орсон бол 2016 оны 12-р сард ашиглалтад бүрэн орох юм байна.

 

 

 

WWW.MGLRADIO.COM
Солонгос мэдээ булан.