Цэнгэлдэх хүрээлэнг "Олон улсын бизнес цогцолбор" болгон өөрчлөхөөр болжээ

Leave a Comment
21

 

20160425110236441eyhr.jpg

    Өмнөд Солонгос улсын Сөүл хотын захиргаа тус хот дах “Чамшил” цэнгэлдэх хүрээлэнг дахин төлөвлөлтөнд оруулж, суурин дээр нь шинэ барилга барихаар болсон байна.

     “Чамшил” цэнгэлдэх хүрээлэн нь Сөүл хотын төв хэсэгт байрладаг бөгөөд гадаад, дотоодын жуулчид болон олон улсын байгууллагууд байрлан үйл ажиллагаа явуулахад нэн тохиромжтой газар ажээ.

    Тиймээс цэнгэлдэх хүрээлэн болон түүний ойр орчмын 20000 ㎡ талбай бүхий газарт “Олон улсын бизнес цогцолбор”-ыг барих ба цогцолборт олон улсын хурал цуглаан, бизнес уулзалт хийх болон үзэсгэлэн гаргах танхим, зочид буудал, 35-н мянган хүний суудалтай бейсболийн цэнгэлдэх хүрээлэн, концертийн танхим, дуу, киноны чиглэлээр ажилладаг интертайнмент компаниуд зэрэг байрлаж, олон улсын томоохон компаниуд салбараа нээсэн төв болох юм байна.

   “Чамшил” цэнгэлдэх хүрээлэнг 2019 онд буулгах ба 2025 онд “Олон улсын бизнес цогцолбор” нэртэйгээр дахин ашиглалтад орох юм байна.

 

WWW.MGLRADIO.COM
Солонгос мэдээ булан.