Өмнөд Солонгос улсад ирэх 5-р сарын 6-ны Баасан гаригийг бүх нийтийн амралтын өдөр болгох тухай хэлэлцэхээр болжээ

Leave a Comment
17

201604260254_01.jpg

 

   Өмнөд Солонгос улсад жил бүрийн 5-р сарын 5-ны өдөр Хүүхдийн баярын өдрийг тэмдэглэн өнгөрүүлдэг ажээ. 

   Уг өдөр нь бүх нийтийн амралтын өдөр бөгөөд энэ жилийн Хүүхдийн баяр Пүрэв гаригт тохиож байгаа юм. 

   Гэвч иргэд дараах өдөр буюу 5-р сарын 6-ны Баасан гаригт ажиллаад Бямба, Ням гэсэн гаригуудад дахин амрах болж байгаа тул, тус улсын Засгийн газар иргэдийн хүсэлтээр энэхүү өдрийг бүх нийтийн амралтын өдөр болгон өөрчлөх эсэхийг хэлэлцэхээр болжээ.

    Солонгос улсын томоохон хотуудад Пүрэвээс Ням гариг хүртэлх дөрвөн өдрийн турш хүүхэд багачуудад зориулсан олон тооны өдөрлөг, урлагийн тоглолтууд, гудамжны  уралдаан тэнмцээнүүд зохион байгуулагдаж байгаа ба эцэг, эхчүүдийг хүүхдүүдтэйгээр тэдгээр үйл ажиллагаанд идэвхтэй оролцуулахын тулд, Баасан гаригийг амралтын өдөр болгон өөрчлөх шаардлага байгаа юм байна.

   Тиймээс 5-р сарын 6-ны Баасан гаригийг амралтын өдөр болгох эсэхийг маргааш Ерөнхийлөгч Пак Гын Хе өглөө хуралдах Засгийн газрын хуралдаанаар шийдэх ажээ.

   

WWW.MGLRADIO.COM
Солонгос мэдээ булан.