Хойд Солонгос улс радиогийн өргөн нэвтрүүлгээр тоон мэдээлэл дамжуулжээ

Leave a Comment
17

 

 

 

 

     Хойд Солонгос улс өнгөрсөн 15-ны өдөр радиогийн өргөн нэвтрүүлгээр дамжуулан 12 минутийн турш үл ойлгогдох тоон мэдээлэл дамжуулжээ.

     Тус улс нь хөдөө орон нутагт ажиллаж байгаа цэргийн болон тагнуулын тусгай албаныханд дамжуулах яаралтай тушаал болон удирдамжийг тоон хэлбэрт шилжүүлэн радиогоор дамуулан өгч байсан түүхтэй.

    Уг тоон мэдээллийг радиогийн хөтлөгч “459-р хуудас 35, 913-р хуудас 55, 135-р хуудас 86” гэх мэтээр уншдаг ба үүнийг сонссон цэргийн болон тагнуулын тусгай албаны ажилтнууд, өөрсдөддөө байгаа нууц номны тухайн хуудас дахь тоот үгүүдийг бүрдүүлж, өгүүлбэр үүсгэн тушаал хүлээж авдаг юм байна.

    Хойд Солонгос улс нь дижитал систем хөгжсөн өнөө үед гар утас, интернэт зэргийг өргөн ашиглаж байгаа бөгөөд хуучны аналог систем бүхий  радиогийн өргөн нэвтрүүлэг ашиглан тоон мэдээлэл дамжуулсан явдал, 2000 оноос хойш 16-н жилийн дараа анх ажээ.

     Өмнөд Солонгос улсын мэргэжилтнүүд Хойд Солонгосын эрх баригчдын энэхүү үйлдлийг дүгнэн үзэхдээ “Хойд Солонгос улс нь ард иргэдийн сэтгэл зүйд нөлөөлж, тэдэнд айдас төрүүлэхийн тулд өнөө үед ашиглагддаггүй радиогийн тоон мэдээллийг дахин ашиглаж байгаа бололтой” хэмээн дүгнэсэн байна.

 

WWW.MGLRADIO.COM
Солонгос мэдээ булан.
 

 

 

 

87Untitled.jpg