Сайдын албан тушаалд нэр дэвшигч нь сайн санааны үйлсэд бага хэмжээний хандив өргөсөн гэж шүүмжлүүлжээ

Leave a Comment
16

19939_26665_5551.jpg

 

 

   Өмнөд Солонгос улсын Ерөнхийлөгч Пак Гын Хе тус улсын Соёл урлаг, спорт, аялал жуулчлалын яамны сайдын албан тушаалд Чу Юнг Сон-ий нэрийг дэвшүүлсэн билээ.

   Түүнийг уг албан тушаалд томилогдох эсэхийг гишүүд маргааш хуралдах Их Хурлын чуулганаар хэлэлцэх юм байна.

   Гэвч нэр дэвшигч Чу Юнг Сон-ий талаар таагүй мэдээлэл олон нийтийн хэвлэл мэдээллийн хэрэгслээр цацагдсаар байгаа ажээ.

   Тухайлбал түүний гэр бүлийн хөрөнгө 2002 онд анх албан ёсоор мэдүүлж эхэлсэн цагаас эхлэн жил бүр дунджаар 500-н сая воноор нэмэгдэж, 2014 оны байдлаар нийт 12 тэрбум 600-н сая вон болсон байна.

   Гэвч түүний сайн санааны үйлсэд хандивласан хандивын хэмжээ сүүлийн гурван жилд ердөө 35-н сая вон байгаа нь олсон орлоготой нь харьцуулахад хэтэрхий бага байгаа ажээ.

   Мөн түүнчлэн тэрээр сүүлийн нэг жилийн хугацаанд автозамын хөдөлгөөний дүрмийг 27-н удаа зөрчсөн ба үүний 19 нь зогсох зөвшөөрөлгүй газар автомашинаа байрлуулсан, 9 нь хурд хэтрүүлсэн, 1 нь хамгаалалтын бүс зүүгээгүй гэсэн зөрчлүүд байсан ба үүндээ нийт 1 сая 150-н мянган воны торгууль төлсөн юм байна.

    Нэр дэвшигч Чу Юнг Сон 2012 оны Ерөнхийлөгчийн сонгуулийн үеэр өнөөгийн Ерөнхийлөгч Пак Гын Хе-гийн сонгуулийн штабын эмэгтэйчүүдийн асуудал хариуцсан багт ажиллаж байсан бөгөөд түүнийг Өмнөд Солонгос улсын Соёл урлаг, спорт, аялал жуулчлалын яамны сайд болох эсэхийг маргааш шийдэх ажээ.

 

 

 

WWW.MGLRADIO.COM
Солонгос мэдээ булан.