Өмнөд солонгосын 4 сая төрийн албан хаагч “Гарын бэлэг”-тэй холбоотой хуулийн заалтыг дагаж мөрдөхөөр боллоо

0

 

20160509161909077idli.jpg

 

   Өмнөд Солонгос улсад 9-р сарын 28-наас эхлэн иргэд болон сайн дурын байгууллагуудын зүгээс төрийн албан хаагчдад өгч болох гарын бэлгийн үнийн дүнгийн дээд хэмжээг тогтоосон хууль албан ёсоор үйлчилж эхлэхээр болсон юм.    Уг хуулийн хэрэгжилтийг хянахаар цагдаагийн байгууллага дотооддоо алба байгуулсан байна.

   Тэрхүү алба нь 17-н ажилтантай бөгөөд, тэд төрийн албан хаагчид хуульд зааснаас их хэмжээний үнэ өртөг бүхий гарын бэлэг авсан тухай мэдээллүүдийг иргэдээс хүлээн авч, бүртгэх, шалган тогтоох ажлуудыг хийж гүйцэтгэх юм байна.

    Хэрвээ төрийн албан хаагчийн авсан гарын бэлгийн мөнгөн дүн нэг сая воноос давсан бол /монгол мөнгөөр 1 сая 700 мянган төгрөг/ уг асуудлыг цагдаагийн газар шилжүүлж, авилгалын хэрэг үүсгэн шалгах ажээ.

    Энэ хуулинд Өмнөд Солонгосын дөрвөн сая орчим төрийн албан хаагч хамрагдах бөгөөд тэдэнд зориулсан 400-н хуудас бүхий 15.000 ширхэг заавар, зөвлөмжийг урьдчилан тарааж өгөжх юм байна.

 

 

  

WWW.MGLRADIO.COM
Солонгос мэдээ булан.