Хойд Солонгос руу агаарын бөмбөлөг хийсгэхээр болжээ

0

 

efrterfeUntitled.jpg

   Өмнөд Солонгосын хүний эрхийн төлөө тэмцэгч сайн дурын байгууллагууд хамтран ирэх 15-ны өдөр Хойд Солонгос улс руу ухуулах хуудас бүхий агаарын бөмбөлөг хийсгэхээр болжээ.

   Тэд өмнө нь олон удаа агаарын бөмбөлөг хийсгэж байсан туршлагатай бөгөөд бөмбөлөг дотор ухуулах хуудас, нэг долларын мөнгөн дэвсгэрт, зузаан оймс, чокопай жигнэмэг зэрэг зүйлсийг хийж байсан юм.

    Харин энэ удаа хийсгэх агаарын бөмбөлөг дотор Хойд Солонгосын удирдагч Ким Жонг Ын-ийг барьж ирсэн хүнд таван сая ам.доллар өгнө, түүний төрсөн ээж Хойд Солонгост төрөөгүй, харин Япон улсад төрж өссөн хүн гэх мэт зүйлс бичсэн 100-н мянган ухуулах хуудыг 10-н ширхэг агаарын бөмбөлөгт хийж хөөргөхөөр болжээ.

    Хойд Солонгос улсын эрх баригчид өнөөгийн үе залгамжилсан удирдагч Ким Жонг Ын-ий ээж К Ёнг Хи-г Хойд Солонгос улсад төрсөн ардын охин хэмээн зарладаг боловч тэрээр Япон улсад төрж өссөн бөгөөд аав, ээж нь 1960-аад оны үед Хойд Солонгост амьдрахаар очсон гэр бүлээс гаралтай айлын охин юм байна.

 

 

 

 

 

WWW.MGLRADIO.COM
Солонгос мэдээ булан.