Өмнөд Солонгос улсад 6.0 баллын хүчтэй газар хөдлөлт үүсч болзошгүй ажээ

0

 

20160912211825538wypa.jpg

 

 

 

    Өмнөд Солонгос улсад өчигдөр орой 5.8 баллын хүчтэй газар хөдлөлт болсон.

    Газар хөдлөлтийн үеэр байшин барилга саван хөдөлж дотор нь байсан оршин суугчид айж сандарсан бөгөөд Солонгос иргэд үүнээс хүчтэй газар хөдлөлт дахин болох вий гэсэн айдастай байгаа юм байна.

    Энэ талаар тус улсын Цаг уур судлалын Газар хөдлөлт хэмжилтийн газраас “Өчигдөр оройн 1 дэхь удаагийн газар хөдлөлтөөс хойш 14 цагийн дараах байдлаар нийт 210 удаагийн хүний биед мэдрэгдэхгүй бага хэмжээний газар хөдлөлт бүртгэгдсэн. Газар хөдлөлтийн хэмжээ их байх тутам түүний дараа үүсэх чичиргэний тоо их байдаг.  Урьдчилсан тооцоогоор бага хэмжээний чичиргээ дараах 3-4 хоног үргэлжлэх байх.

     Өнөөгийн нөхцөл байдлаас үзвэл цаашид 6.0 балл хүртэлх хэмжээтэй газар хөдлөлт үүсэх магадлал байгаа боловч 6.5 ба түүнээс дээш хэмжээтэй газар хөдлөлт үүсэх магадлал бараг байхгүй гэж бид үзэж байна” гэж мэдээлэлжээ.

 

 

 

WWW.MGLRADIO.COM
Солонгос мэдээ булан.