Солонгосын төмөр замчид ажил хаялт зарлажээ

Leave a Comment
20

AKR20161001028500063_01_i.jpg

 

   Өмнөд Солонгос улсын төмөр замчид өнөөдрийн байдлаар 5 дахь өдрөө ажил хаялт зарлаж байгаа ажээ.

   Тэд цалингаа нэмэгдүүлэх болон ажлын үр дүнгээр цалин бодогддог систем нэвтрүүлэхийг эсэргүүцсэн юм байна.

   Ажил хаялтын анхны өдөр нийт 7953-н төмөр замчдаас 7408 нь оролцсон боловч тав хоног өнгөрсөн өнөөдрийн байдлаар 81 нь ажилдаа эргэн орж, харин 145 нь ажлаасаа халагджээ.

    Үлдсэн 7182 ажилчин ажил хаялтаа үргэлжлүүлж байгаа юм байна.

    Үүнтэй холбогдуулан Солонгос улсын төмөр замын компанийн зүгээс ажил хаялтад оролцож байгаа ажилчдын орон тоон дээр шинээр 1000-3000-н хүн ажилд авах шийдвэр гаргажээ. Юуны өмнө яаралтай шаардлагатай байгаа галт тэрэгний үйлчлэгч, жолооч, туслах ажилчин, галт тэрэгний буудлын жижүүр гэх мэт ажилд 1000 гаруй хүн шинээр ажилд авах байна. 

     Харин дараа нь ажил хаялтын нөхцөл байдлаас шалтгаалан 3000 хүртэлх хүнийг шинээр ажилд авах ажээ.

     Ажил хаялтад оролцож байгаа хүмүүс ойрын хугацаанд ажил хаялтаа зогсоовол, хуучин ажилд нь эргүүлэн авч байгаа боловч цаашдаа ажил хаялтад олон хоног оролцох тусам ажлаас нь халах юм байна.

 

    

 

 

WWW.MGLRADIO.COM
Солонгос мэдээ булан.