Хойд Солонгос улсын Хөдөлмөрийн нам байгуулагдсаны 71-н жилийн ой өнөөдөр тохиож байгаа ажээ

0
26

 

 

     

 

   Хойд Солонгос улсад өнөөдөр Хөдөлмөрийн нам байгуулагдсаны 71-н жилийн ой тохиож байгаа ажээ.

    Уг баярт үйл явдал тохиох бүрт тус улсын удирдагч Ким Жонг Ын өглөө эрт өвөө, аав хоёрынхоо бунханд цэцэг өргөн хүндэтгэл үзүүлж, дараа нь нийслэл Пёнгянг хотод зохион байгулагддаг цэргийн сүрт жагсаалыг үздэг ажээ.

    Гэвч энэ удаагийн баярын өдөртэй холбогдуулан Хойд Солонгос улсын хэвлэл мэдээллийн хэрэгслээр баярын тухай мэдээлэл огт цацагдаагүй төдийгүй цэргийн сүрт жагсаал зохион байгуулагдаагүй байна.

     Мөн  тус улс аливаа нэгэн улс төртэй холбоотой түүхт баярыг тэмдэглэхийн өмнө пуужин харвах, зэвсэг турших зэрэг байдлаар иргэддээ итгэл үнэмшил үзүүлэх үйлдэл байнга хийдэг ажээ.

    Гэвч энэ удаагийн Хөдөлмөрийн нам байгуулагдсаны 71-н жилийн ойг ихээхэн нам жим байдалтай өнгөрөөж байгаатай холбогдуулан Өмнөд Солонгос улсын Хоёр Солонгосыг нэгтгэх яамнаас мэдээлэл хийж, Хойд Солонгосын талаас хийж болзошгүй бүх төрлийн өдөөн хатгалтад хариу өгөхөөд бэлэн байгаа гэдгээ мэдэгджээ.

 

 

 

 

 

WWW.MGLRADIO.COM
Солонгос мэдээ булан.