2019 оны Солонгосын хамгийн шилдэг сурталчилгаа

0
759

Саяхан 2019 оны хамгийн шилдэг сурталчилгааг тодруулжээ. Энэ оны шилдэг сурталчилгаагаар хараагүй иргэдийн тухай өгүүлсэн сурталчилгаа шилдгээр тодорсон байна. Уг сурталчилгаанд 4D кино театрт кино үзэх гэж очсон үйлчлүүлэгчдийн өмнө байх том дэлгэц гэнэт харанхуй болж киноны оронд машины чимээ, ууртайгаар “Замаа харж яваач” гэж орилох чимээнүүд харанхуйд сонсогдон сандлууд хөдөлж эхэлсэн байна. Тэнд байсан хүмүүс юу болоод байгаад гайхшрах үед кино театрын гэрэл асч “Энэ бол харааны бэрхшээлтэй иргэн зам гарах үед ямар санагддагийг танд харуулж байна”, “Цаашдаа нийгэмд харааны бэрхшээлтэй иргэдэд тавих халамж, анхаарал шаардлагатай байна” хэмээх агуулгатай бичгүүд дэлгэцэнд гарч иржээ.

Тус сурталчилгаа нь хараагүй иргэд л мэдэрдэг мэдрэмжийг харааны бэрхшээлгүй энгийн хүмүүст мэдрүүлж, нийгэмд анхаарах шаардлагатай асуудал байгааг сануулснаараа онцлог болсон байна.

WWW.MGLRADIO.COM
Солонгос мэдээ булан