Ерөнхийлөгч Пак Гын Хе-гийн дотны туслах Чуй Сүн Шил-ийг эх орондоо ирэхийг шаарджээ

Leave a Comment
24

20161024103618643lodr.jpg

   Өмнөд Солонгос улсын Ерөнхийлөгч Пак Гын Хе өнөөдөр Их Хурлын индэр дээрээс дөрөв дэхь удаагаа үг хэлсэн билээ.

    Түүнийг үг хэлэх үеэр 10 гаруй гишүүд “Чуй Сүн Шил-ийг олны өмнө гарч тайлбар хий”, “Ерөнхийлөгч Пак Гын Хе Чуй Сн Шил-ийг гадаадаас авчирч мэдүүлэг өгүүл” гэх мэт бичигтэй эсэргүүцлийн пайз барьж байсан байна.

    Ерөнхийлөгч Пак Гын Хе-гийн дотны туслах гэгдэж байгаа Чуй Сн Шил нь бичнес эрхлэгч бөгөөд эдүгээ 60-н настай. Тэрээр Сөүл хотын Кангнам дүүрэгт “Testa Rossa” гэдэг нэртэй 2 давхар барилга бүхий кафе ресторан ажиллуулдаг ба үүнээс гадна урлагийн салбарыг хөгжүүлэх “Мир” сангаас зохион байгуулж байсан Солонгос улсыг гадаадад сурталчлах урлагийн тоглолтууд болон Ерөнхийлөгч Пак Гын Хе-гийн гадаадад айлчлах үеэрх урлагийн бяцхан тоглолтуудыг хариуцан ажилласан байна.

    Мөн Чуй Сүн Шил нь морин спортоор хичээллэдэг охиныхоо бэлтгэлийг хангахын тулд Герман улсын Франкфурт хотын нисэх онгоцны буудлаас 42 км зайд байрлах нэгэн бяцхан тосгонд хувийн байр худалдаж авсан ба үүнийхээ дэргэд Солонгос улсаас хүрэлцэн очсон төлөөлөгчид, тамирчдад зориулсан зочид буудал түрээсэлжээ.

    Ингэснээр уг тосгонд түүний охин болон бусад хүмүүс очиход өөрийн түрээсэлсэн буудалдаа буулгаж, үйлчилгээний хураамж, ор хоногийн төлбөр зэргийг харьцангуй өндөр үнээр тооцож, “Мир” сангийн дэргэд байгуулсан спортыг дэмжих дэд сангаар төлүүлдэг байсан байна.

    Чуй Сүн Шил нь эдүгээ гадаадад байгаа бөгөөд Ерөнхийлөгч Пак Гын Хе-гийн өрсөлдөгч намынхан түүнийг эх орондоо авчрахыг Ерөнхийлөгчөөс шаардаж байгаа нь энэ юм байна.

 

 

 

WWW.MGLRADIO.COM
Солонгос мэдээ булан.

 

 

 

20161024134156117ygzh.jpg