Ерөнхийлөгч Пак Гын Хе-гийн туслахууд цагдаагийн газарт мэдүүлэг өгөхөөр болжээ

Leave a Comment
28

20161102094508378eusx.jpg

    Өмнөд Солонгос улсын Ерөнхийлөгч Пак Гын Хе болон бизнес эрхлэгч Чуй Сүн Шил нартай холбоотой хэргийг тус улсын Сөүл хотын цагдаагийн газраас шалгаж байгаа билээ.

    Хоёр хоногийн өмнө Ерөнхийлөгчийн гурван туслах сайн дураараа албан тушаалаасаа огцорсон юм.

    Тэдгээрээс хамгийн түрүүнд Ерөнхийлөгчийн туслахуудын нэг байсан Ан Жунг Боб өнөөөдөр мэдүүлэг өгөхөөр болжээ.

    Тэрээр урлаг, спортын салбарыг дэмжих сайн дурын “Мир” болон “К спорт” сан байгуулах үүрэг даалгаврыг Ерөнхийлөгч Пак Гын Хе-гээс авсан ба уг санд томоохон компаниудаас хандив өгүүлэх асуудлыг хариуцаж байсан ажээ.

    “Мир” болон “К спорт” санг байгуулахад Солонгос улсын хамгийн том гэгдэх 20 гаруй компани нэгээс таван тэрбум вон хандивлаж,  нийт 80-н нийт тэрбум вон цугларсан байна.

    Харин хэргийг шалгаж байгаа цагдаагийн газраас компаниуд хандивын мөнгө өгөхдөө Ерөнхийлөгч болон түүний туслахуудын зүгээс нэгэн шахалт, шаардлагад өртсөн эсэхийг шалгах ажээ.

    Бизнес эрхлэгч Чуй Сүн Шил нь Ерөнхийлөгч Пак Гын Хе-гийн оролцоотой байгуулсан дээрх 2 сангийн хөрөнгөнөөс их хэмжээний мөнгийг хувьдаа завшсан хэргээр эдүгээ түр саатуулагдаад байгаа юм байна.

   

 

 

WWW.MGLRADIO.COM
Солонгос мэдээ булан.

 

20161102094508378eusx.jpg