Бизнес эрхлэгч Чуй Сүн Шил-ийн санаачилсан санд мөнгө хандивласан компаниудын захирлууд мэдүүлэг өгөхөөр болжээ

0

 

download (6).jpg

 

    Өмнөд Солонгос улсын бизнес эрхлэгч Чуй Сүн Шил нь их хэмжээний мөнгө хувьдаа завшсан хэргээр эрүүгийн хэрэг үүсгэгдэн саатуулагдсан байгаа билээ.

    Тэрээр урлаг, спортын  салбарыг дэмжих үндэсний хэмжээний сайн дурын санг санаачилж, уг санд цугларах мөнгөн хандивыг Ерөнхийлөгч Пак Гын Хе-гийн туслахуудаар дамжуулан цуглуулахдаа, тэдгээр компаниудад дарамт, шахалт үзүүлсэн гэж сэжиглэгдэж байгаа юм.

    Ерөнхийлөгчийн туслахууд нь тэдэнтэй тусгайлан уулзаж, мөнгөн хандивын тоо хэмжээг хэлж байсан ба өнөөгийн байдлаар Самсунг компани 20 тэрбум 400 сая вон, Хьёндэй автомашины үйлдвэр 11 тэрбум 800 сая, SК болон LG группууд тус бүр 1 тэрбум 100 сая вон хандивласан байна.

    Хэргийг шалгаж байгаа цагдаагийн газраас хандив өгсөн компаниудаас мэдүүлэг авахаар болсон ба өчигдөр гэхэд Самсунг компанийн охин компани болох Чейл компанийн байранд нэгжлэг хийжээ.

    Тус компани нь бизнес эрхлэгч Чуй Сүн Шил-ийн Герман улсад байгуулсан хувийн компанид 3 тэрбум 100 сая вон өгсөн бөгөөд үүнийхээ хариуд Ерөнхийлөгч Пак Гын Хе-гийн туслахуудаас компанийн үйл ажиллагааг дэмжих амлалт авсан байж болзошгүй гэж шалгагдаж байгаа юм байна.

  

 

 

WWW.MGLRADIO.COM
Солонгос мэдээ булан.
 

 

  • jinulee20161115120516_X_02_C_1.jpg
  •