Өмнөд Солонгос улсад хийгддэг салхин цэцэг өвчний эсрэг вакцины үр дүн муу байгаа ажээ

0

C0A8CA3D000001563997EE740000CF50_P2.jpeg

 

    Өмнөд Солонгос улсад хийгдэж байгаа салхин цэцэг өвчний эсрэг вакцины тавин хувь нь үр дүнгүй байгаа талаар тус улсын Эрүүл мэндийн яамнаас хийсэн судалгааны хариугаар гарчээ.

    Тус улсад 12-15-н сартай хүүхдүүдэд салхин цэцэг өвчний эсрэг вакцин заавал хийлгэх ёстой ба энэхүү вакцинд нийт хүүхдийн дунджаар 97% нь хамрагддаг байна.

    Гэвч 2015 онд төрсөн хүүхдүүдээс 46-н мянган хүүхэд салхин цэцэг өвчнөөр өвчилж эмнэлэгт эмчлүүлсэн байна.      Энэ нь 10-н жилийн өмнө 1900-н хүүхэд өвчилж байсан тоотой харьцуулахад даруй 21 дахин  өссөн үзүүлэлт юм.

    Эрүүл мэндийн яамнаас салхин цэцгээр өвчлөх хүүхдүүдийн тоо буурах биш харин өсч байгаа судалгааг хийсэн ба ингэснээр Солонгос улсад хийгдэж байгаа салхин цэцэг өвчний эсрэг вакцин нь дөнгөж 13%-ийн үр дүнтэй байгааг илрүүлсэн байна.

    АНУ, Герман, Хятад зэрэг орнуудад уг вакцины үр дүн нь 80% байдаг гэж тооцвол Солонгос улсад хийгдэж байгаа вакцины үр дүн маш муу байгаа гэсэн үг юм.

    Учир нь Солонгос улс салхин цэцгийн эсрэг дөрвөн төрлийн вакцинийг албан ёсоор ашигладаг ба тэдгээрийн дундаас 2 вакцин нь огт нөлөөлөл үзүүлдэггүйг илрүүлжээ.

    Өмнөд Солонгосын Эрүүл мэндийн яамнаас “Салхин цэцэг өвчний эсрэг хийгддэг вакциныг үнэ төлбөргүй хийдэг. Мөн улсаас жил бүр мөнгө төсөвлөдөг ба үр дүн муутай байгаа вакцины асуудлыг дахин нарийвчлан шалгахаар болсон” гэж мэдээлэлсэн байна.

 

 

 

 

 

WWW.MGLRADIO.COM
Солонгос мэдээ булан.

 

C0A8CA3D000001563997EE740000CF50_P2.jpeg