Солонгос улсын цагдаагийн газраас Ерөнхийлөгч Пак Гын Хе-гээс мэдүүлэг авах өдрийг 18-ны өдөр дуустал сунгажээ

0

 

201611161455486762_t_99_20161116145905.jpg

    Өмнөд Солонгос улсын Ерөнхийлөгч Пак Гын Хе бизнес эрхлэгч Чуй Сүн Шил-тэй холбоотой хэргээр цагдаагийн газар дуудагдан мэдүүлэг өгөхөөр болсон билээ.

    Хэргийг шалгаж байгаа Сөүл хотын цагдаагийн газраас Ерөнхийлөгчийг 16-17-ны өдрүүдэд дуудаж мэдүүлэг авна гэсэн боловч, Ерөнхийлөгч Пак Гын Хе-гийн өмгөөлөгч Ю Ёнг Ха мэдүүлэг өгөх хугацааг түр хойшлуулах хүсэлт өнөөдөр гаргасан байна.

    Учир нь тэрээр дөнгөж өчигдөр Ерөнхийлөгчийн өмгөөлөгчөөр ажиллах болсон ба түүний бичиг баримттай танилцахад цаг хугацаа шаардлагатай гэж үзжээ.

    Гэвч хэргийг шалгаж байгаа Сөүл хотын цагдаагийн газраас “Ерөнхийлөгч Пак Гын Хе-гээс мэдүүлэг авах хугацааг ирэх 18-ны өдөр дуустал сунгалаа. Харин түүнээс хойш сунгах боломжгүй ” гэж өнөөдөр  хариу мэдэгдсэн байна.

    Ингэснээр Ерөнхийлөгч Пак Гын Хе ирэх 18-ны өдөр буюу Бямба гаригт цагдаагийн газарт анх удаа мэдүүлэг өгөх болжээ.

 

 

 

WWW.MGLRADIO.COM
Солонгос мэдээ булан.