Өмнөд Солонгосын Ерөнхийлөгч Пак Гын Хе-г намын гишүүд нь огцрохыг шаарджээ

0

download (4).jpg

 

   Өмнөд Солонгос улсын Ерөнхийлөгч Пак Гын Хе нь бизнес эрхлэгч Чуй Сүн Шил-ийн хэрэгтэй холбоотойгоор албан тушаалаасаа огцрох байдалд хүрээд байгаа юм.

   Ерөнхийлөгчийг огцруулахын төлөөх эсэргүүцлийн жагсаалд тус улсын тэргүүлэх улс төрийн намууд болон иргэд олон нийт оролцож байгаа бөгөөд өнөөгийн байдлаар дөрвөн удаагийн жагсаалд, нийтдээ дөрвөн сая гаруй хүн оролцсон байна.

   Тэгвэл Ерөнхийлөгчийн харъяалагддаг “Сенүри” намын гишүүдийн дотор “Ерөнхийлөгч Пак Гын Хе нь хариуцлагаа хүлээж огцрох ёстой” гэж үзэж байгаа хүмүүс байгаа ажээ.

   Тухайлбал”Сенүри” намын экс дарга Ким Ү  Сонг хэлэхдээ “Ерөнхийлөгч Пак Гын Хе Ерөнхийлөгчийн албан тушаалаас огцорч, намаасаа сайн дураараа гарах хэрэгтэй” гэж шаардаж байгаа бол Кёнги дүүргийн захирагч Нам Кёнг Пил өнөөдөр мэдэгдэл хийж “Ерөнхийлөгч Пак Гын Хе огцрохгүй бол би намаасаа гарах болно” гэж мэдэгдсэн байна.

 

 

 

WWW.MGLRADIO.COM
Солонгос мэдээ булан.