Өмнөд Солонгос улсын "Сенүри" намын гишүүд, намаасаа гарч эхэлжээ

Leave a Comment
19

133491_183411_0626.jpg

 

   Өмнөд Солонгосын Ерөнхийлөгч Пак Гын Хе болон бизнес эрхлэгч Чуй Сүн Шил-тэй холбоотой хэргийн улмаас Ерөнхийлөгчийн харъяалагддаг “Сенүри” намын гишүүд, намаасаа гарч эхэлжээ.

    Өчигдөр тус намаас Их Хуралд сонгогдсон нэг гишүүн намаасаа гарсан бол өнөөдөр, Их Хурлын гишүүн байсан найман хүн намаасаа гарч байгаагаа мэдэгдсэн байна.

     Тэд энэ тухай хийсэн хэвлэлийн хурлын үеэр “Сенүри” нь иргэдийн төлөө ажилладаг нам боловч бид энэ намыг шинэчлэхийн тулд намаасаа татгалзах хэрэгтэй боллоо. Ерөнхийлөгч Пак Гын Хе хариуцлагаа хүлээж огцрох ёстой. Хэрвээ тэр огцрох хүсэлгүй бол бид түүнийг огцруулахын төлөө өрсөлдөгч намууд болон иргэдтэй хамт тэмцэх болно” гэж мэдэгдсэн байна.

    Сенүри” намаас гарах гишүүдийн тоо нэмэгдэх магадлалтай бөгөөд тэд хүмүүс хамтран шинэ нам байгуулах юм байна.

 

 

WWW.MGLRADIO.COM
Солонгос мэдээ булан.