Солонгосчууд дахин боловсруулсан мах, махан бүтээгдэхүүнийг хавдар үүсгэх хэмжээнд хүртэл хэрэглэдэггүй юм байна

Leave a Comment
43

 

news_1446447635_536505_m_1.jpg

    Дэлхийн Эрүүл Мэндийн Байгууллагаас хиам, зайдас, шарсан болон утсан мах мөн дахин боловсруулсан бүтээгдэхүүний хэрэглээ нь хүний биед хавдар үүсгэж байна хэмээн мэдээлэлсэн билээ.

    Тус байгууллагын мэдээлэлсэнээр өдөр тутам 50 грамм хиам, зайдас хэрэглэсэн тохиолдолд хавдраар өвдөх магадлал 18% болж нэмэгддэг гэсэн бол өдөр тутам 100 грамм шарсан, утсан мах хэрэглэсэн тохиолдолд хавдраар өвдөх магадлал 17% болж нэмэгддэг гэжээ.

    Тэгвэл Солонгос улсын Хүнсний Аюулгүй Байдлыг Хянах Хорооноос дараах мэдээллийг хийсэн байна.

    Уг мэдэгдэлд “2010-2013 онуудад хийсэн судалгаагаар нэг Солонгос иргэн өдөр дунджаар 6 грамм хиам, зайдас, 61 грамм шарсан, утсан мах хэрэглэж байгаа судалгааны хариу бий. Энэ нь хавдар өвчнийг үүсгэх магадлалтай өдөр тутмын хэрэглээнд хүрэх үзүүлэлт биш учраас болгоомжлох хэрэггүй” гэсэн байна. Өөрөөр хэлбэл өнөөгийн Солонгосчуудын хэрэглээнд ДЭМБ-ын гаргасан судалгааны хариу муу байдлаар нөлөөлөхгүй гэж ойлгож болох ажээ. ДЭМБ өнгөрсөн удаа “Хиам болон зайдас зэрэг бүтээгдэхүүний найрлагад “Натри” бодис багагүй агуулагддаг. Тэгвэл нэг хүний өдөрт хэрэглэх “Натри” бодисны хэмжээ нь түүний биеийн жингийн 1 кг тутамд 0,06 миллиграмм хүртэл байх ёстой гэсэн мэдэгдэл гаргаж байсан. Тухайн үед болон өнөө үед ч Солонгос улсын нэг иргэний өдөр тутмын “Натри” бодисын хэрэглээ нь ДЭМБ-аас гаргасан хэмжээний 11% байгаа тул бид уг мэдэгдэлд санаа зовохгүй байж болно” хэмээн албан ёсоор мэдэгджээ.

 

 

WWW.MGLRADIO.COM
Солонгос мэдээ булан.