Ерөнхийлөгч Пак Гын Хе-г дэмжсэн жагсаал зохион байгуулагджээ

Leave a Comment
22

2016120412028020774_1.jpg

    Өмнөд Солонгос улсын Ерөнхийлөгч Пак Гын Хе-г огцрохыг шаардсан олон нийтийн жагсаал өнгөрсөн Бямба гаригт 6 дахь удаагаа зохион байгуулагдсан.

    Уг жагсаалд нэг сая гаруй хүн оролцож лааны гэрэл барьж бизнес эрхлэгч Чуй Сүн Шил-ийн хэрэгт холбогдсон Ерөнхийлөгч Пак Гын Хе-г яаралтай огцрохыг шаардаж байсан ажээ.

    Тэгвэл Ерөнхийлөгчийг дэмжсэн иргэдийн анхны жагсаал Сөүл хотод зохион байгуулагдаж, уг жагсаалд 30-н мянга гаруй иргэд оролцсон байна.

    Жагсаалыг зохион байгуулагчдын зүгээс “Ерөнхийлөгчийг огцруулах жагсаалд лааны гэрэл барьсан хоёр сая гаруй хүн оролцсон гэдэг мэдээлэл цацагдаж байна. Солонгос улс сонгуулийн насны 30 гаруй сая хүнтэй бөгөөд 2 сая гэдэг бол тэдний зөвхөн 6% юм. Тэгвэл бид Ерөнхийлөгчийг дэмжиж жагсаж байна.  Бид өнөөгийн Ерөнхийлөгчийг цагдаагийн байгууллагаар шалгуулах гэж байгаа бол түүнээс өмнөх үеийн  Ерөнхийлөгчдийг шалгуулах хүсэлтэй.

    Ерөнхийлөгчөө огцруулахаар жагсаал хийж байгаа нь улс орны тусгаар тогтнолыг замхруулж, эмх замбараагүй байдал үүсгэх гэсэн оролдлого бөгөөд лааны гэрлээр тоглосон тоглоом сайн зүйлд хүргэхгүй гэдгийг анхааруулж байна.

    Бид Ерөнхийлөгч Пак Гын Хе-г огцруулахаар улайран шаардаж байгаа хүмүүсийн эсрэг жагсаж байна” гэж хэлсэн байна.

 

 

WWW.MGLRADIO.COM
Солонгос мэдээ булан.