Монгол улсын Батлан Хамгаалах яамны сайд Б.Бат-Эрдэнэ Пусан хотод зохион байгуулагдах удирдлагатай нисэх онгоцны үзэсгэлэнг үзэхээр болжээ

0

57b1c2626900135ab84bd1936cecd026_56904_1.png

   Өмнөд Солонгос улсын Пусан хотод удирдлагатай нисэх онгоцны “Dron Show Korea 2017” олон улсын үзэсгэлэн зохион байгуулагдахаар болжээ.

   Үзэсгэлэн 19-21-ний өдрүүдэд нээгдэх ба удирдлагатай нисэх онгоц зохион бүтээж, үйлдвэрлэж байгаа дэлхийн 88 компанийн 302 ширхэг онгоцыг бизнес эрхлэгчид төдийгүй олон нийтэд үзүүлэх, худалдах, худалдан авах гэрээ хэлэлцээрүүд хийгдэх ажээ.

    Тэнд гал түймрээс урьдчилан сэргийлэх, хянах, бичиг баримт, ачаа тээвэр зөөх, хүргэх, шуудан зөөх, ариутгалын бодис цацах, аврах ажиллагаа явуулах мэдээлэл дамжуулах гэх мэт төрөл бүрийн онгоцнууд тавигдах юм байна.

    Уг үзэсгэлэнд оролцож байгаа Солонгос улсын “Юкун систем” компанийн удирдлагууд хэвлэл мэдээллийн хэрэгсэлд өгсөн ярилцлагадаа “Бидний үйлдвэрлэж байгаа цэргийн болон хөдөө аж ахуйн зориулалт бүхий удирдлагатай нисэх онгоцыг үзэж сонирхохоор Монгол улсын Батлан Хамгаалах яамны сайд Б.Бат-Эрдэнэ тусгайлан хүрэлцэн ирэхээр болсон. 

    Бид өөрсдийн бүтээгдэхүүнүүдийг танилцуулахаас эхлээд худалдах гэрээ хийх хэмжээнд хүртэл чармайн ажиллаж байгаа” гэж хэлсэн юм байна.

 

WWW.MGLRADIO.COM
Солонгос мэдээ булан.

 

지난해 열린 `드론쇼 코리아` 대한항공 부스 전경.