Хойд Солонгосчууд таван жилийн өмнөөс эхлэн Ким Жонг Нам-ын амь насыг хөнөөлгөхөөр бэлтгэжээ

0
21

 

download (4).jpg

 

    Өмнөд Солонгос улсын Тагнуулын албанаас Хойд Солонгосын удирдагч Ким Жонг Ын-ий ах, Ким Жонг Нам амь насаа алдсантай холбогдуулан албан ёсны мэдээлэл хийжээ.

     Уг мэдээлэлд “Хойд Солонгосын удирдагч Ким Жонг Ын-ий ах, Ким Жонг Нам нь Малайзи улсад гадны нөлөөтэйгээр амь насаа алдсан нь үнэн болно. Тэрээр Макао улсад байсан гэр бүлийнхэн дээрээ очихоор Малайзи улсын Куала Лампур хот дахь олон улсын нисэх онгоцны буудалд очсон. Гэвч үл мэдэгдэх хоёр эмэгтэй түүнийг хортой зүүгээр харваж амь насыг нь хөнөөгөөд зугатаасан байна.

     Ким Жонг Нам нь дүү болох Ким Жонг Ын-ийг өв залгамжлагч болсоны дараа Хойд Солонгосын дэглэмийг илт шүүмжилж, буруушааж байсан. Тиймээс Ким Жонг Ын нь таван жилийн өмнөөс эхлэн Ким Жонг Нам-ын амь насыг хөнөөлгөхөөр бэлтгэж байсан” гэжээ.

     Ким Жонг Нам энэ жил 46 настай. Тэрээр Их Удирдагч Ким Жонг Ил-ийн анхны эхнэрийн том хүү бол өнөөгийн удирдагч Ким Жонг Ын нь түүний хоёр дахь эхнэрийн том хүү юм.

    Тэрээр аавынхаа өв залгамжлагч болохоор бэлтгэгдэж байсан ч дүүдээ шахагдан улмаар гадаадын орнуудад ажиллах болсон байна. Энэ үедээ Хойд Солонгос улсын худалдан авах зэвсэгийг гардан хариуцдаг байсан ба 2011 онд аавыгаа таалал төгссөний дараа дүүтэйгээ харьцаагаа тасалсан ажээ.

 

 

WWW.MGLRADIO.COM
Солонгос мэдээ булан.

사진출처=텔레그래프

사진출처=텔레그래프

사진출처=텔레그래프

 

김정남 [사진 중앙포토]

김정남 [사진 중앙포토]