Өмнөд Солонгос улсын Ерөнхийлөгчийн албан тушаалыг түр орлон гүйцэтгэгч Хуанг Гю Ан нь дурсгалын цаг бэлэглээд буруутгагджээ

Leave a Comment
12

 

download (1).jpg

    Өмнөд Солонгос улсын Ерөнхийлөгчийн албан тушаалыг түр орлон гүйцэтгэгч Хуанг Гю Ан хэд хоногийн өмнөөс эхлэн “Ерөнхийлөгчийн албан тушаалыг түр орлон гүйцэтгэгч Хуанг Гю Ан” гэж бичсэн дурсгалын цагийг бэлэглэж эхэлжээ.

    Гэвч иргэд олон нийтийн зүгээс түүний энэ үйлдлийг “Ерөнхийлөгчийн сонгуулийн сурталчилгаа” хэмээн буруушааж байгаа юм байна.

     Хуанг Гю Ан нь 2015 оны 6-р сард БНСУ-ын Ерөнхий сайдын албан тушаалд томилогдсон бол Ерөнхийлөгч Пак Гын Хе-г Их Хурлын гишүүдийн санал хураалтаар огцоруулсаны дараа, 2016 оны 12-р сард Ерөнхийлөгчийн албан тушаалыг түр орлон гүйцэтгэгчээр томилогдсон юм.

     Тэрээр Ерөнхий сайд байхдаа арын хэсэгтээ “БНСУ-ын Ерөнхий сайд Хуанг Гю Ан” гэж бичсэн цагийг албан ёсоор бэлэглэж байжээ.

     Харин энэ удаа “БНСУ-ын Ерөнхийлөгчийн албан тушаалыг түр орлон гүйцэтгэгч Хуанг Гю Ан” гэж бичсэн цаг бэлэглэн буруутгагдаж байгаа ажээ.

     Учир нь тэрээр Ерөнхийлөгчийн сонгуульд нэр дэвшигчдийн дундаас хамгийн өндөр рейтингтэй яваа хүмүүсийн нэг юм байна.

 

     

 

WWW.MGLRADIO.COM
Солонгос мэдээ булан.