Севол усан онгоцонд ор сураггүй болсон есөн зорчигчийн цогцосыг эрж олох ажил хийгдэх ажээ

0
23

 

 

3450497_oN7.png

   Өмнөд Солонгос улсын зүүн өмнөд хэсгийн орон нутаг дахь Жинду далайн эргийн ойролцоо живсэн ачаа, тээврийн Севол усан онгоцыг далайн мандал дээр татаж гаргах ажил үргэлжилсээр байгаа ажээ.

   Онгоцонд зорчиж байсан 476 хүний 172 нь аврагдсан боловч 295 зорчигч амь насаа алдаж, харин 9 зорчигч ор сураггүй алга болсон харамсалтай хэрэг болсон байна.

   Тэдгээр ор сураггүй алга болсон 9 зорчигчийн цогцосыг эрж олж өгөхийг ар гэрийнхэн нь шаардаж байгаа юм.

   Тиймээс ч далайн мандал дээр татаж гаргасан Севол усан онгоцонд юуны өмнө ор сураггүй алга бологсдын цогцосыг эрэн сурвалжлах ажил хийгдэх ажээ.

   Севол усан онгоц нийтдээ 2142 тонн жинтэй байсан ч далайн гүнээс татаж гаргах үед 8000 тонн жинтэй болсон байгаа ажээ. Онгоцны их биед их хэмжээний далайн элс шороо, ургамал амьтны хог хуримтлагдсан байгааг цэвэрлэх ажил хийгдсэний  дараа  цогцосыг эрж олох ажил хийгдэх юм байна.

 

 

 

WWW.MGLRADIO.COM
Солонгос мэдээ булан.