Монгол улсын харъяа усан онгоц далайн дээрэмчдээс зугатааж чаджээ

Leave a Comment
28

21370_19328_3329.jpg

    Өмнөд Солонгос улсын хоёр иргэн бүхий Монгол улсын харъяа загас агнуурын "Сохён 389" нэртэй усан онгоц, далайн дээрэмчдэд барьцаалагдсан байж болзошгүй байсан юм.

    Усан онгоцны ахмад "Манай онгоцыг Сомалийн далайн дээрэмчид байж болзошгүй нэг жижиг онгоц байнга дагаж байна" гэсэн мэдээг хэд хэдэн удаа өгсөний дараа холбоо тасарсан бөгөөд эдүгээ усан онгоцтой холбоо тогтоожээ.

    Тус улсын Ёнхап агентлагийн мэдээлэлсэнээр Монгол улсын далбаа бүхий усан онгоц нь Сомали улсын далайн дээрэмчдээс зугатааж чадсан ба холбоо барих хэрэгсэл нь гэнэт эвдэрсэний улмаас холбоо тасарсан ажээ.

    Өмнөд Солонгос улсын ерөнхийлөгч Мүн ЧЕ Ин нь өөрийн орны иргэд бүхий "Сохён 389" усан онгоцыг аврах ажиллагаанд оролцуулахаар Энэтхэгийн далайд ажилаж байгаа цэргийн усан онгоцыг илгээх үүрэг өгсөн байсан юм байна.

    Харин хэдхэн минутийн өмнө "Сохён 389" усан онгоцны ахмадтай холбоо барьсан ба эдүгээ тэд аюулгүй байдалд байгаа гэдгээ хэлсэн ажээ.

 

 

WWW.MGLRADIO.COM
Солонгос мэдээ булан.
 

  •