Өмнөд Солонгос улс зах зээлд борлуулагдаж байсан дөрвөн сая гаруй өндгийг хураан авчээ

Leave a Comment
27

 

 

PYH2017082120860005600_P2_20170821143221070.jpg

 

   Өмнөд Солонгос улсын Хүнсний Аюулгүй Байдлын газраас тус улсын зах зээлд борлуулагдаж байсан дөрвөн сая гаруй өндгийг хураан авчээ.

    Энэ нь тус улсын тахианы аж ахуйнуудаас нийлүүлэгдэж байгаа өндөгнөөс шавьжны хор илэрсэнтэй холбоотой юм.

    Долоо хоногийн өмнөөс эхлэн өнөөг хүртэл дөрвөн сая гаруй өндгийг зах зээлээс хураан авсан бол гурван сая таван зуун мянга гаруй өндгийг устгалд оруулсан байна.

    Мөн өндөгний чиглэлээр ажилладаг 1187 аж ахуйн 1239-д нь шалгалт хийснээс, 52 аж ахуйд шавьжны хор бүхий өндөг байгааг илрүүлж, өндөг борлуулах ажлыг түр зогсоосон байна.

    Шавьжны хортой хэмээн нэрлэгдэж байгаа өндөгний хувьд тухайн аж ахуй эрхлэгчид нь тахианы байранд ариутгал хийхдээ нохой, муурны аж ахуйд зориулагдсан хортон шавьж устгах ариутгалын бодисыг дур мэдэн хэрэглэснээс үүссэн гэж үзэж байгаа ажээ.

 

 

 

WWW.MGLRADIO.COM
Солонгос мэдээ булан.