Засаг дарга мансууруулах бодис хэрэглэсэн хүүгийнхээ өмнөөс нийт ард иргэдээс уучлалт гуйжээ

Leave a Comment
29

 

download.jpg

     Өмнөд Солонгос улсын Кёнги дүүргийн засаг дарга, нэрт улс төрч Нам Кёнг Пил нь Герман улсад хийж байсан ажлын айлчлалаа цуцлан, эх орондоо яаралтай буцаж ирэх болсон тухай өөрийн цахим хуудсанд бичжээ.

     Тэрээр "Миний том хүү мансууруулах бодис хэрэглэсэн хэрэгт холбогдож цагдаад саатуулагдсан тухай мэдээ сонслоо. Тэр өмнө нь цэргийн алба хааж байхдаа бусдыг зодож дээрэлхсэн хэрэгт холбогдож, 2 жил тэнсэн харгалзах ял авч байсан. Харин дахин гэмт хэрэг үйлдсэн явдалд нийт ард иргэдээсээ уучлалт гуйж байна. Би Германд хийж байсан ажлаа орхиод яаралтай буцаж очихоор болсон ба очсон даруй цагдаагийн газарт өөрөө очиж мэдүүлэг өгнө" гэж бичсэн байна.

      Кёнги дүүргийн засаг дарга, нэрт улс төрч Нам Кёнг Пилийн том хүү энэ жил 26 настай ба тэрээр мансууруулах бодис хууль бусаар хил давуулсан, бусдыг мансууруулах бодисонд уруу татсан, өөрөө хэрэглэсэн, хадгалсан зэрэг хэрэг үйлдсэний улмаас өчигдөр саатуулагдсан ажээ.

      Кёнги дүүргийн засаг дарга Нам Кёнг Пил нь улс төрчдийн дунд рейтинг өндөртэй нэгэн бөгөөд тэрээр ирэх жил болох засаг даргын сонгуульд дахин өрсөлдөхөөр бэлтгэж байсан юм байна.

 

 

 

 

Солонгос мэдээ булан.

 

WWW.MGLRADIO.COM