Өмнөд Солонгос улсын ерөнхийлөгч Мүн Че Ин радиогийн хөтлөгч хийж, иргэддээ баярын мэнд хүргэжээ

Leave a Comment
27

DLGR6bkUEAAPV0i.jpg

 

 

    Өмнөд Солонгос улсад үндэсний их баяр болох Чүсокийн баяын өдрүүд тохиож байгаа бөгөөд хөдөө орон нутгийг автомашинаар зорих иргэдийн тоо эрс нэмэгдэж байгаа юм байна.

    Уг баяртай холбогдуулан ерөнхийлөгч Мүн Че Ин иргэддээ баярын мэнд хүргэхээр өнөөдөр өглөө нэгэн радиогийн 3 минутийн хөтлөгч хийжээ.

    Ерөнхийлөгч Мүн Че Ин нь хөдөө орон нутгийг зорьж байсан сонсогчдод хэлэх үгээ өөрөө бэлдсэн бөгөөд "Сайн байцгаана уу. Би Мүн Че Ин байна. Та бүхэнд замын хөдөлгөөний байдлын тухай мэдээ хүргэх гэж байна… Ерөнхийлөгч хүн гэнэт радиогоор ярьсанд гайхаж байна уу. Би та бүхэнд Чүсокийн баярын мэнд хүргэхийн ялдамд та гэр бүлийнхэн дээрээ очихоор хол замд явахдаа  аюулгүй байдлыг сахиж, ялангуяа жолооч нар жолооны ард зүүрмэглээд байвал, замын хажуу дахь амралтын газар түр саатаж амраад цааш явахыг хүсье. Мөн бүгд баяраа тэмдэглэж байгаа энэ цаг мөчид иргэдийн төлөө ажилласаар байгаа эмч, нийтийн тээврийн жолооч болон бусад бүх хүмүүст талархлаа илэрхийлье.  Намайг сонссон та бүхэнд баярлалаа. Мүн Че Ин байлаа" гэх мэтчилэн хэлсэн байна.

    Радио сонсогчид үнэхээр ерөнхийлөгч Мүн Че Ин радиогоор ярьсан эсэхийг тодруулахаар тухайн радио руу утасдаж мөн мессежээр асууж лавлаж байжээ.

    Мөн тэрээр радиогоор ярихдаа өөрийгөө ерөнхийлөгч гэж хэлээгүй нь маш олон хүний талархлыг хүлээсэн байна.

 

 

Солонгос мэдээ булан.

WWW.MGLRADIO.COM