Өмнөд Солонгосчууд насанд хүрээгүй хүүхэд хүчирхийлсэн гэмт этгээдийг шоронгоос суллахгүй байхыг хүсчээ

Leave a Comment
3477

 

 

news_1510127103_672676_m_1.jpg

 

    Өмнөд Солонгос улсын 200 мянга гаруй иргэд, насанд хүрээгүй хүүхэд хүчирхийлсэн хэргээр шоронд сууж байгаа боловч 3 жилийн дараа суллагдах гэж байгаа  Жу Дү Сүн гэгч гэмт этгээдийн шоронгоос суллахгүй байхыг шаардаж нэгджээ.

    Уг этгээд нь 2008 онд 8 настай охиныг хүчирхийлсэн хэрэг үйлдэн бүх насаараа хоригдох ял авсан боловч, дээд шүүх эцсийн хурлаар түүнд ердөө 12 жил хоригдох ял оноосон байна.

     Тэрээр 2020 оны 12-р сард суллагдах гэж байгаатай холбогдуулан хохирогчийн аав нэгэн телевизэд Миний охин одоо ахлах ангид суралцдаг. Тэр 3 жилийн дараа түүнийг хүчирхийлсэн этгээд шоронгоос суллагдана гэдгийг мэдэж байгаа төдийгүй үүнээс болж байнгын айдастай, сэтгэл санааны хувьд маш муу байна. Гэмт этгээд нь шоронд суухаас өмнө, Би суллагдаад та нартай уулзана гэж хэлж байсан удаатай. Түүнд биднийг олох амархан, харин бид түүнээс зугатааж чадахгүй. Бид түүнийг манай гэр бүлээс өшөөгөө авах байх гэдгээс айж байна  гэсэн ярилцлага өгсөн ажээ.

      Үүнтэй холбогдуулан Өмнөд Солонгос улсын Засгийн газрын иргэдээс санал хүсэлт авах хэсэгт гэмт этгээд Жу Дү Сүн-ийг шоронгоос суллахгүй байх, бага насны хүүхэд хүчирхийлсэн түүнийг бүх насаар нь хорих ял оноохыг шаардаж 200 мянга гаруй хүн дэмжиж байгаагаа илэрхийлжээ.

      Санал авах хэсэгт иргэдийн бичсэн хүсэлт хэрвээ 100 мянга ба түүнээс дээш хүний дэмжлэг авсан бол, уг асуудлыг холбогдох байгууллагууд хэлэлцэж шийдвэрлэдэг юм байна.

 

     

 

 

 

 

WWW.MGLRADIO.COM

 

Солонгос мэдээ булан.

 

나영이 아빠 "딸이 안심하는 세상 만들어 달라"