Солонгосын шүүх Монгол эмэгтэйн талд шийдвэрээ гаргажээ.

0
65

өахаөхөх.jpeg

 

        Солонгос иргэнтэй гэр бүл болсон Монгол эмэгтэй “Гадаадын харьяат иргэн- Цагаачлалын албаны газар”-ыг шүүхэд өгсөн байна. Учир нь тус эмэгтэй нь Солонгос иргэнтэй гэр бүл болон ханилсан боловч нөхрийн архи уух зуршлаас болж тэд тусдаа амьдраад 10 жил болсон аж. Харин түүний нөхөр нас барснаар түүний Солонгос улсад оршин суух хугацааг сунгаж өгөх хүсэлтийг нь “Цагаачлалын албны газар”-аас татгалзсанд тэрээр үүнийг эсэргүүцэж шүүхэд хандсан байна.

 

           Тодруулбал өчигдөр буюу 8-ны өдөр Сөүл хотын Төв Шүүхээс захиргааны хэргийн 2-р шүүхийн шүүгч Ким Сонь Ён нь Монгол эмэгтэй A “Гадаадын харьяат иргэн- Цагаачлалын албаны газар”-ын эсрэг оршин шуух эрхийн сунгалтад нь татгалзсан хариу өгсөн тул үүнийг хүчингүй болгож өгөөч хэмээн нэхэмжилсний дагуу шүүхийн шийдвэр А-гийн талд гарсан гэжээ. Мөн Монгол эмэгтэй нь нөхрөөсөө тусдаа амьдарч байсан хэдий ч байнга уулзан, тогтмол амьжиргааны зардал, мөнгө өгч ирснийг харгалзан үзээд, түүний оршин суух эрхийг нь хүлээн зөвшөөрөх ёстой гэсэн шүүхийн шийдвэр гаргасан гэв.

 

       Монгол эмэгтэй нь 2001 онд Солонгос улсын иргэнтэй гэр бүл болж оршин суух эрхтэй болсон ба хадам эцэг, эхийн хамт амьдран, бие давхар болж байсан бөгөөд зулбах зэрэг бэрхшээлүүдийг туулан 5 жилийн турш хамтдаа амьдарчээ. Гэвч түүний Солонгос нөхөр архинаас хамааралтай нэгэн байсан ба гэр бүлийн харилцаа нь байнгын зөрчилтэй байсанд нөхрийн хүсэлтээр 2006 оноос тэд тусдаа амьдрах болсон ажээ.

 

       Тэд тусдаа амьдрахаас өмнө нөхрийн биеийн байдал таагүй байсан тул Монгол эмэгтэй нь хоолны газар, буудал, дэлгүүр зэрэг газруудад цагийн ажил хийж гэр бүлээ авч явдаг байсан ба тусдаа амьдрах үедээ ч нөхөртэйгээ сар бүр уулзаж, гэрт нь очих бүрийдээ мөнгө өгч байсан.

 

      Согтууруулах ундаа хэрэглэх бүрийдээ хэл ам татлах нөхрийн ааш зангаас болж утасныхаа дугаарыг сольсон ба уулзах шаардлагатай болох үед нийтийн утсаар холбогдон ярьдаг байж. Уг асуудлаас болж нөхрийгөө нас барсан тухай нэг сар гарангийн дараа буюу 2017 оны 5 сард мэдсэн аж. Харин үүнийг нь “Цагаачлалын албаны газар”-аас тухайн жилийн 11-р сард “Нөхөртэйгээ удаан хугацаанд хамт амьдраагүй мөн нөхрийнхөө нас барсан талаар мэдээгүй явж байсан, гэр бүлийн байдалдаа үнэн ч хандагүй” гэсэн шалтгаанаар түүний оршин суух эрхийг нь сунгахаас татгалзсан байна.

 

       Гэвч Солонгосын шүүхээс Монгол эмэгтэйг харин ч нөхрийгөө нас барах хүртэл нь үнэнч шударга хандаж ирсэн хэмээн үзэж шүүх Монгол эмэгтэйн талд шийдвэрээ гаргасан байна. Мөн шүүхээс “ Эхнэр нөхрийн хоорондын харилцаа янз бүр байж болох ба хамт амьдарсан ч амьдраагүй ч, утсаар холбогддоггүй, өвчтэй зовлонтой байхад нь хажууд нь байгаагүй гэх зэрэг шалтгаанаар тухайн гэрлэлтийн байдлыг үнэнч байсан, үгүй хэмээн яаравчлан шийдвэр гаргах ёсгүй юм” гэжээ. Харин тусдаа амьдарсан шалтгааны хариуцлага нь Монгол эмэгтэйд бус нөхөрт байсан гэж үзсэн байна. Иймд түүний оршин суух эрхийг сунгахаас татгалзсан “Цагаачлалын албаны газар”-ын шийдвэрийг хүчингүйд тооцох шүүхийн шийдвэр гарчээ.