Найман сая төгрөгийг нь олж өгөөд 200 сая төгрөгөөр шагнуулжээ

Leave a Comment
22

download (1).jpg

   Хятадын Шандун мужийн Жинан-д амьдардаг Танг гэгч бүсгүй 2настай хүүхдийнхээ ясны чөмөгний хагалгааг хийлгэхэд 160 сая төгрөг шаардлагатайг сонсоод хэвтэн эмчлүүлж буй эмнэлэгийн ойролцоо уймарч яваад нэгэн түрийвч олсон байна.

   Түрийвчийг нээж үзтэл 8 орчим сая төгрөгийн бэлэн мөнгөний карт, жолооны үнэмлэх зэрэг байсныг үзээд эхэндээ хүүхдийнхээ эмнэлэгийн төлбөрт нэмэрлэх бодол төрсөн ч “Түрийвч эмнэлэгийн ойролцоо байгааг бодоход бас над шиг ядарсан нэгний эмнэлэгийн төлбөр байх вий” хэмээн өрөвдөх сэтгэл төрөн эзнийг нь олж өгсөн байна.

   Түрийвчний эзэн Динг тухайн үедээ баярлаж талархснаа илэрхийлэн утсаар ярихаар салж явсан хэдий ч хэд хоногийн дараа Танг-ыг хүүхдийнхээ эмнэлэгийн төлбөрийг олохоор байгаа бүх аргаа хэрэглэн тэмцэж байгааг мэдсэн байна.

   Динг нь томоохон хүнсний ногооны худалдаачин байсан бөгөөд бүсгүйд туслахаар өөрийн агуулахад байсан 200 тонн ногоог хурдан зарахгүй бол үнэ нь унахыг сануулан Танг бүсгүйд бүгдийг нь борлуулах эрхийг өгсөн байна.   

   Харин Танг түүний сайхан сэтгэлд талархан бүх ногоог борлуулан 200 сая төгрөгийн орлого олж хүүхдийнхээ эмнэлэгийн болон мэс заслын төлбөрийг хангалттай олсон байна.

   Уг үнэн түүхийг сонссон Хятад улсын иргэд “Шудрага явдал нь хэзээ нэгэн цагт нүдээ олж шагнуулдаг” хэмээн ихэд сайшаан дэмжиж буй ажээ.

WWW.MGLRADIO.COM 

Солонгос мэдээ булан