Жолоо барьж байхдаа ухаан алдсан иргэний амийг аварсан “Манай хорооны энгийн цагдаа”

Leave a Comment
53

20190418160400258qeiz.jpg

   Өмнөд Солонгосын Кёнг Ги мужийн Сонгнам дүүргийн Пун дан хорооллын нэгэн зам дээр опериус маркийн суудлын автомашин гэнэтхэн гол шугмыг даван эсрэг урсгалаар явж байсан суудлын тэргийг мөргөн цааш 30 гаруй метр явж байгаад цаанаас ирж явсан бас нэгэн машинтай мөргөлдөн зогссон байна.

 

   Уг машины ард ээжийгээ эмнэлэгт үзүүлээд хүргэж өгөхөөр явж байсан Ким ямар нэгэн гэнэтийн гай тохиосноос зайлахгүй хэмээн опериус машинд дөхөж очин хаалгыг онгойлгох гэсэн боловч түгжээтэй байжээ.   

   Энэ үед явган хүний гарцан дээр гэрлэн дохио хүлээж зогссон Гил тэдэнд туслахаар ирсэн ба тэд замын хажуугаас тоосго аван цонхыг хагалах оролдлого хийсэн ч хагараагүй тул Ким нь ойролцоох байрны жижүүрээс алх гуйж аван цонхны шилийг эвдэж Гил  дотогш орж юуны түрүүнд машины арааг салгаж хөдөлгөөний аюулгүй болгосон байна.

20190418160400378xscd.jpg

   Харин машин дотор байсан жолооч 76 настай “А” ухаан алдан унасан байдалтай байсныг гаргаж яаралтай түргэн тусламж дуудан эмнэлэгт хүргүүлсэн байна.

 

   Эмч нарын хэлснээр тухайн үед “А”-д зүрхний хавхлагын дотуур цус алдалт явагдаж байсан бөгөөд цаг алдсан бол амь нас эрсдэх аюулд өртөх магадлал тун өндөр байсан гээд одоо иргэн “А”-гийн амь насанд ямар нэгэн аюул байхгүй хэмээн мэдэгджээ.

 

 

   Цагдаагийн газраас Ким болон Гил нарт талархалын бичиг гардуулж “Манай хорооны энгийн цагдаа” өргөмжлөл гардуулснаас гадна бидний байнга хэрэг зөрчил илрүүлэх, хэрэгтэнгийн араас өдөр шөнөгүй ажилладаг ажилд туслах энэ хүмүүс шиг иргэн олон бий гэдэгт итгэж байна гэжээ.      

 

 

WWW.MGLRADIO.COM 

Солонгос мэдээ булан