Ээжийнх нь 27 жилийн дараа сэрэхдээ хэлсэн анхны үг нь “Хүү минь” байлаа

Leave a Comment
36

20190424131344092zayu.jpg

 

 Арабын Нэгдсэн Эмират улсын иргэн Мүнира Абдула гэх энэ эмэгтэй 1991 онд 4 настай хүү Омар-ын хамт машинаар явж байхдаа зам тээврийн томоохон осолд өртөн ухаан алдан ком-д орсон байна.

   Ослын үеэр эмэгтэй хүүгээ аюулаас аврахаар тас тэвэрснээр хүү шалбархай төдий шархдан эрүүл саруул гарсан ч ээж нь тархиндаа хүнд гэмтэл аван ухаан оролгүй 27 жил болжээ.

   Түүний гэр бүлийнхэн бүсгүйг аль сайн эмчилгээтэй гэсэн Англи, Герман зэрэг улсын эмнэлэгүүдэд эмчлүүлж байтал өнгөрсөн жилийн нэгэн өдөр Герман улсын бас нэгэн эмнэлэгт ухаан оржээ.

   Хүү Омар ээжийгээ ухаан орохоос 3 хоногийн өмнө түүний ёолох чимээг сонсон эмч нарт яаралтай хандсан боловч тэд ирж үзээд онцын өөрчлөлт биш хэмээн хариулсан байна.

   БҮСГҮЙ УХААН ОРОХДОО ХАМГИЙН ТҮРҮҮНД ХЭЛСЭН ҮГ НЬ “ОМАР ОМАР ОМАР” ХЭМЭЭН ХҮҮГЭЭ ДУУДСАН ЭХИЙН СЭТГЭЛ ШИНГЭСЭН ЭЛБЭРЭЛ БАЙЛАА.

   Харин түүний дэргэд ээждээ тас тэврүүлж байснаа огт мартаагүй 4 настай бяцхан хүү нь 32 настай том залуу болон хүлээж суужээ.

   Омар ярихдаа “Ээж минь сэрэхдээ намайг дуудсанд үнэхээр сэтгэл хангалуун байна. Энэ бүх хугацаанд хүүгээ гэсэн эхийн сэтгэл тэр дотор байсан гэдэг үнэхээр гайхамшиг биш гэж үү?” гэжээ.  

   Тэрээр цааш нь “Ээжийгээ хэзээ нэгэн өдөр сэрнэ гэдэгт итгэж юунаас ч илүү хүлээж, итгэл алдраагүйг минь бурхан гэрчиллээ” гэсэн байна.

   Тэр өдрөөс хойш эхийн бие өдөр, хоногоор сайжирч байгаа бөгөөд одоогоор харилцан ярилцах хэмжээнд хүрсэн байна.

WWW.MGLRADIO.COM 

Солонгос мэдээ булан