Хуа Сонг Со Бү цагдаагийн газар хууль бус гадаадын иргэдтэй хамтран ажиллах зорилгоо илэрхийллээ

0
55

2103136_895145_4144.jpg

   Өнгөрсөн Ням гарагт Хуа Сонг Со Бү цагдаагийн газраас Ду Вон биеийн тамирын цогцолборт 12 дахь удаагаа зохиогдож буй “Дэлхийн хүн” өдөрлөгөөр хууль бус гадаадын цагаач иргэдтэй хамтран сургалт зохион байгуулжээ.

   Энэ өдөрлөгт тус улсын иргэд болон хууль бусаар оршин сууж буй гадаадын иргэдэд гэмт хэргээс урьдчилан сэргийлэх, хохирсон тохиолдолд хууль бусаар амьдардаг гээд хэргийг нуун дарагдуулдаг явдал байж болохгүй талаар тайлбар хийсэн байна.

   Тус цагдаагийн газраас хууль бусаар оршин сууж буй нь гэмт хэргийн хохирогч байх үндэслэлгүй гээд БНСУ-ын хуулиар цагаачлалын алба болон цагдаагийн байгууллагууд хамтран ажиллах үүрэгтэй гэдгийг сурталчлан таниулжээ.

   Хуа Сонг Со Бү цагдаагийн газрын дарга Ким Жунг Шиг “Энэ удаагийн арга хэмжээнд гадаадын иргэдийг өргөнөөр хамруулах зорилго тавин ажиллаж тэдэнд ялангуяа хууль бусаар оршин суугч гадаадын иргэдэд манай улсын хуулийн талаар сурталчлан таниулах таатай завшаан тохиолоо” гээд “Хойшдоо гадаад дотоодын иргэдийн эв нэгдлийг хамгаалан хамтдаа гадаадын иргэдэд чиглэсэн эерэг бодлого баримтлан ажиллах болно” хэмээн хэлжээ.

WWW.MGLRADIO.COM

Солонгос мэдээ булан