Ядуугийн улмаас охиноосоо салсан ээж 46 жилийн дараа дахин уулзжээ

Leave a Comment
34

201323286_1280.jpg

   Үйлийн үрээр охиноосоо хагацсан эх 46 жилийн дараа охиноо олж өчигдөр/2019.06.12/ уулзсан элэг эмтрэм түүхийг өгүүлж байна. Өдгөө 69 настай Со Ан Шиг/хойшид-Со/ 1973 онд хоёр охиноо өөрөө ч мэдэлгүй явуулах болсон юм байна. 

201323284_1280.jpg

   Бага охин Жу Ми Сон-оо төрүүлэх үедээ төрөхийн хүндрэлтэй амаржсан Со ядуу, зүдүүгийн улмаас эмнэлэгт бус Чон Бук мужийн Чонжү-д байдаг төрсөн эцэг эхийнхээ гэрт очин гам барьж, тэнхрэх шаардлагатай болжээ.

   Таван сарын дараа гайгүй тэнхэрсэн Со гэртээ ирээд тэнгэр нурах мэт аймшигт мэдээг сонссон нь түүний нөхөр Жу хоёр охиныг нь хэнээс ч асуулгүй асрах газарт хүргэж өгсөн явдал байжээ.

   Учрыг нөхрөөсөө асуухад “Өсгөж чадахгүй санагдаад” гэсэн шалтгаан хэлсэн бөгөөд Со энэ явдлаас болж том хүүгээ аван гэрээсээ гарч нөхрөөсөө тусдаа амьдрах болжээ.

 

   Хэдэн жилийн дараа нөхөр Жу эвлэрэн нэг гэртээ орохыг санал болгосныг Со “Хуа Сон ба Ми Сон хоёрыг олж ирэхээс нааш хэзээ ч үгүй” хэмээн эсэргүүцжээ.

201323285_1280.jpg

   Хэдийгээр хоёр охиноо олж ирэхээр амласан Жу олон жил өнгөрсөн ч сураг ажиг гаргаж чадалгүй байсаар насан эцэслэсэн бөгөөд түүний дараа буюу 2017 онд Со хоёр охиноо олоход туслаач хэмээн цагдаагийн байгууллагад хандсан байна.

   Со-гийн харамсалтай түүхийг сонссон цагдаагийн газар холбогдолтой бүртгэлийг шалгаснаар том охин Хуа Сон-ыг Иксан хот руу, бага охин Ми Сон-ыг гадаадад үрчлүүлсэн болохыг олж тогтоожээ.

   Цагдаагийн газраас бага охин Ми Сон-ыг 2 настайдаа буюу 1975 онд АНУ-ын Сиэтл хот руу үрчлэгдснийг тогтоосноор барахгүй Мэрлин Рито нэрээр оршин сууж байгааг нь мэдэн түүний фесбүүк хаягыг хайж яваад азаар түүнийг олж холбоо барьж чаджээ.

201323283_1280.jpg

   Ийнхүү 46 жилийн дараа болсон ээж охин хоёрын уулзалтыг өчигдөр Чон Бук цагдаагийн газраас зохион байгуулж хэвлэлийн хурал зарласан байна.

   Хэвлэлийн хурлын үеэр Со бага охин Ми Сон-ыг элгэндээ тэвэрч, энгэртээ наан олон жилийн гуниг зовлонгоо даалгүй асгартал уйлсан бөгөөд ядуу тарчиг амьдралын эрхээр хоёр охиноо хүнд өгсөндөө уучлал гуйн, хүлцэл өчжээ.

   Мөн тэрээр “Одоо том охин Хуа Сон-оо олмоор байна, Хуа Сон маань багадаа амтат талх авч өгөөч байнга гуйдаг байж билээ, тэр үед ээж нь авч өгч чадаагүй ч харин одоо хүссэн хэмжээгээр нь амтат талх авч өгч чадна шүү” хэмээн үнэн сэтгэлээсээ нулимс дуслуулан хэлжээ.

WWW.MGLRADIO.COM

 

Солонгос мэдээ булан