БНСУ-ын Хууль Зүйн Яам 90 хоногийн визийг 5 сар болгон сунгах судалгааг хийж байна гэжээ

Leave a Comment
60

БНСУ-ын Хууль Зүйн Яам 90 хоногийн визийг 5 сар болгон сунгах судалгааг хийж байна гэжээ

1373284_2068962_3022.jpg

   “Хөдөө орон нутагт ажиллах хүчний хомсдолтой боловч гадаадын иргэдийг ажиллуулах гэхээр дийлэнх нь хууль бус цагаач иргэд, хэцүү байна шүү” хэмээн  БНСУ-ын Пёнг Тек-т 30 гаруй жил лийр тариалж буй “А” хэлж байна. 

   “А” хэлэхдээ дотоодын иргэдийн шаардах ажлын хөлс, өртөг өссөний дээр тэд өөрсдөө газар тариалангийн ажлыг хүнд, хэцүү хөдөлмөр гээд цэрвэж ажиллах хүчний хомсдол үүсгэж байгааг дурьдаад шаардлагатай ажлын байрандаа нутгийн иргэдээр дамжуулан гарал үүсэл, бичиг баримт нь үл мэдэгдэх 20-30 гадаадын иргэнийг ажиллуулж буй үнэнээ хүлээсэн бөгөөд хэзээ мөдгүй ороод ирэх цагаачлалын албаны шалгалтыг сэтгэл эмзэглэн хүлээн суухаас аргагүй байдалд байна гэжээ.  

   Мөн тэрээр нутгийн иргэдээс газар тариалангийн ажилд яг үнэндээ насаараа тариалангийн талбай дээр ажилласан тэтгэврийн хөгшид л ажилладаг ба тэдэнд дэмжлэг болох залуусыг гадаадын иргэдээс сонгохоос өөр сонголтгүй гээд гэвч эдгээр гадаадын иргэдээс хууль ёсоор ажил хийх эрхтэй байлаа ч тэдний ихэнх нь 90 хоногийн визтэй байдаг нь нэг тариалингийн талбайд бүтэн ургац авахад багадаа 5-6 сар шаардлагатай гэж тооцвол 90 хоногийн визтэй гадаадын иргэд нь тарьсан ургацынхаа үр шимийг хүртэхгүй нь харамсалтай бөгөөд муугаар яривал ургацын сайн мууд хариуцлага хүлээлгүй алга болно гэсэн үг юм хэмээсэн байна.

 

   Хамгийн сүүлийн үеийн мэдээллээр БНСУ-д албан ёсоор улирлын чанартай ажлын виз/90 хоног/-ийг 2015 онд гадаадын 19 иргэн авч байсан бол энэ тоо 2016 онд 200, 2017 онд 1080, 2018 онд 2820, энэ оны эхний 6 сарын байдлаар 10 000 даван гарч тасралтгүй огцом өсөн нэмэгдсээр байгаа бөгөөд газар тариалангийн талбайд 22 000 хүний ажиллах хүч шаардлагатай байгаа ажээ.

0004110434_003_20190724101429420.jpg

   Тэгвэл саяхан буюу 2019.07.22 өдөр болсон Канг Вон-ы Сам Чог-ын замын осолд тус улсын засгийн газар, хууль хяналтын байгууллага, олон улсын сайн санааны нийгэмлэгүүд ихээхэн анхаарал хандуулаад байгаа юм байна.

   Уг осол нь Чүнг Чонг Нам ду-гийн Хунг Сонг-оос Кёнг Бук мужийн Бунг Хуа Гүн-ий тариалангийн талбайд сонгино хураах ажилд ажиллах хүч тээвэрлэж явсан бөгөөд эдгээрийн дотор жолоочийн хамт Солонгосын тэтгэвэр/62-82 насны/-ийн насны 7 иргэн, хууль бусаар оршин суугч гадаадын 9 иргэн өдрийн 65 000-70 000 воны ажлын хөлсний төлөө 6-7 цаг машинаар явдаг хол газрыг зорьж явснаас тус улсын 2, гадаадын 2 иргэн тус тус амь насаа алдсан юм.

   Тус улсын хөдөө аж ахуйн салбарт ялангуяа газар тариалангийн салбарт ажиллах хүчний хомсдолтой холбогдуулан гадаадын иргэдийн улирлын визийг сунгах, тэдний ажиллах нөхцлийг бүрдүүлэх тал дээр дорвитой арга хэмжээ авах цаг нь болсон хэмээн үзэж байгаа ажээ.

   Үүний нэгэн жишээ нь Кёнг Ги мужид эрхлэгч “Б” хэлэхдээ “Бид үнэндээ гадаадын иргэн ажиллуулах зөвшөөрөлтэй ч гэсэн хууль бус гадаадын иргэдийг давхар ажиллуулдаг ба үүнээс гарах ямар нэг эрсдэл/торгууль/-ээс цаг үргэлж эмээсээр ирлээ” гээд “Хэрвээ хэн нэгний сэтгэлд нийцэхгүй гэвэл дотоодын иргэдээс хууль бус гадаадын иргэн ажиллаж байгаа тухай мэдээллийг цагаачлалын албанд өгөх нь энүүхэнд” гэжээ.

   Харин тус улсын Хууль зүйн яам улирлын виз сунгах, ажиллах боломжтой гадаадын иргэдийн мэдээллийг нэмэгдүүлэх талаар судалгаа хийж байна хэмээн мэдэгдсэн байна.

   Мөн тус яамны ажилтан “Ажил зуучлалын товчоогоор дамжин ажиллах гадаадын иргэдийн дийлэнх нь хууль бус иргэд гэдэг нь тодорхой байдаг ба бид одоогоор 90 хоногийн визийг 5 сар болгон сунгах судалгааны ажлыг хийж байгаа бөгөөд тэдний ажиллах хүрээ, мэдээллийн санг өргөжүүлэхээр ажиллаж байна” хэмээн мэдэгджээ.   

 

 

WWW.MGLRADIO.COM 

 

Солонгос мэдээ булан