БНСУ- Д ОРШИН СУУЖ БУЙ МОНГОЛ ИРГЭДИЙГ ТОГТМОЛ СУРГАЛТАНД ХАМРУУЛЖ ЭХЭЛЛЭЭ

Leave a Comment
42

БНСУ- Д ОРШИН СУУЖ БУЙ МОНГОЛ ИРГЭДИЙГ ТОГТМОЛ СУРГАЛТАНД ХАМРУУЛЖ ЭХЭЛЛЭЭ

11401516_592025600900622_6508762413256406735_n.jpg

   Монгол улсын Хүн ам хөдөлмөр нийгмийн халамжийн яам/ХАХНХЯ/-ны харъяа БНСУ дахь Нийгмийн хамгааллын үйлчилгээний төв нь 2013 оны 08 сараас эхлэн Кёнг-Ги мужийн Ёжү хот дахь БНСУ-ын хөдөлмөрийн сангийн харъяа Гадаад ажилчдын сургалтын төвтэй хамтран хөдөлмөрийн гэрээгээр БНСУ-д ажиллаж буй Монгол иргэдэд тогтмол сургалт явуулж байна.

   Тус сургалтанд 2013 онд 1215, 2014 онд 989, 2015 онд 492 иргэнийг тус хамруулж ирсэн билээ.

   Сургалтаар хөдөлмөрийн гэрээгээр ажиллахаар очсон Монгол иргэдэд Монгол Улсын Засгийн газар, БНСУ-ын Засгийн Газрын хооронд байгуулсан “Нийгмийн хамгааллын хэлэлцээр”, Монгол Улсын Нийгмийн даатгал”-ын хууль, нийгмийн даатгалын ач холбогдол, БНСУ-д хөдөлмөрийн гэрээгээр ажиллаж байгаа Монгол иргэдийн тэтгэврийн даатгал, БНСУ-ын Үндэсний тэтгэврийн даатгалаас чөлөөлөгдөх тухай ойлголтууд болон БНСУ дахь Нийгмийн хамгааллын үйлчилгээний төвийн үйл ажиллагааг танилцуулж байна.

   Мөн энэ оны 04 дүгээр сараас эхлэн Монгол Улсаас БНСУ-д суугаа Элчин сайдын яамтай хамтран иргэдэд гэмт хэргээс урьдчилан сэргийлэх талаарх мэдээллийг хүргэж эхлээд байна.

   Түүнчлэн иргэдийн сонирхсон асуултанд хариулт өгч, Нийгмийн хамгааллын үйлчилгээний төвтэй холбоо барих танилцуулах хуудсыг тараан, шаардлагатай үед холбогдож мэдээлэл, зөвлөгөө авах боломжийг бүрдүүлж ажиллаж байгаа нь Монгол улсаас гадаадын оронд оршин сууж буй иргэдийнхээ нийгмийн хамгааллыг сайжруулах чиглэлд ахиц гаргасаар байна.  

   Сургалт 7 хоног бүрийн Лхагва гарагт Кёнги мужийн Ёжү хот дахь БНСУын хөдөлмөрийн сангийн харъяа Гадаад ажилчдын сургалтын төвд 17:20 цагаас зохион байгуулагдаж байна.

БНСУд ажиллаж, сурч амьдарч буй Монгол иргэд та бүхэн нийгмийн даатгал болон нийгмийн халамж, гэр бүл хүүхэд хамгааллын талаар зөвлөгөө, мэдээлэл авахыг хүсвэл Хүн амын хөгжил, нийгмийн хамгааллын яамны харъяа БНСУ дахь Нийгмийн хамгааллын үйлчилгээний төв маань Даваагаас Баасан болон Ням гарагуудад 09:00-18:00 цагийн хооронд нээлттэй ажиллаж байна.

   Жич: БНСУын бүх нийтийн амралт болон баярын өдрүүдэд хуваарийн дагуу ажиллана.

   

   Хаяг: Тундэмүнёгса мүнхуа гунвон ёог ( 동대문역사문화공원역) 4-р гарц замын эсрэг талд White Horse барилгын 9-н давхарт

 

   Харилцах утас: 02-2278-8030, 02-2278-8034

 

 

WWW.MGLRADIO.COM 

 

Солонгос мэдээ булан