Гадаад иргэд ашиглах боломжтой метроны хугацаагүй ашиглах карт худалдаанд гарна

Leave a Comment
84

Гадаад иргэд ашиглах боломжтой метроны хугацаагүй ашиглах карт худалдаанд гарна

 getImage.jpg

 Солонгос улсад жуулчид ашиглах боломжтой Discover seoul pass хэмээх карт байдаг. Энэхүү карт нь Сөүлд байрлах 36 аялал жуулчлалын газраар үнэгүй үйлчлүүлэх  боломжтой бөгөөд тоглолт үзэх, худалдан авалт хийхдээ ашиглаж болох 30 гаруй төрлийн хямдралын эрхтэй аж.

 Үүнээс гадна тус картаа мөнгөөр цэнэглээд автобус, метронд суухдаа ашиглах боломжтой. Мөн Инчоны нисэх онгоцны буудлаас Сөүл буудал хүртэл нэг удаа үнэгүй суух эрх гэх мэт маш олон төрлийн хөнгөлөлттэй нөхцөлүүдийг багтаасан карт юм. 

 Тэгвэл ирэх 12 сард уг картанд Сөүлийн метроны 1-ээс 9 дүгээр шугамыг хязгааргүй ашиглах эрх нэмэгдэх бөгөөд одоогоор хэдэн воны үнээр худалдаалагдах нь тодорхойгүй байна. 

 Өнөөгийн байдлаар 24, 48, 72 цагийн турш ашиглах боломжтой гурван төрлийн карт худалдаалагдаж байгаа бөгөөд уг картыг онлайнаар худалдан авах боломжтой ажээ. 

 

 

 

 

 

                                                                   WWW.MGLRADIO.COM 

Солонгос мэдээ булан