Солонгос улсын Ерөнхийлөгч Пак Гын Хе ажлын байрны хүрэлцээ бага байгаагаас залуучуудын төрөлт буурч байна гэж үзжээ

Leave a Comment
21

 

 

 

 

AKR20151210083200001_01_i.jpg

 

   Солонгос улсын Ерөнхийлөгч Пак Гын Хе өчигдөр тус улсын Засгийн газрын дэргэдэх “Төрөлт, Өндөр настнуудын асуудал эрхэлсэн хороо”-ны дөрөв дэх удаагийн хуралд оролцжээ.

    Тэрээр уг хурал дээр хэлсэн үгэндээ “Залуу гэр бүл болон залуучуудад ажлын байрны хүрэлцээ хангалтгүй байгаагаас тэд хүүхэдтэй болох асуудлыг үргэлж хойш тавьсаар байна. Ялангуяа сүүлийн 10-н жилийн турш төрөлтийн хэмжээ багассаар, 2015 оны 1-р сарын байдлаар тус улсын 15~49-н насны нэг эмэгтэй тутамд 1.2 хүүхэд ноогдож байна. Энэ үзүүлэлтийг 2020 он хүртэл 1.5 болгож нэмэгдүүлэх хэрэгтэй. Үүний тулд залуу гэр бүлүүдэд үзүүлэх олон төрлийн хөнгөлөлт, нийгмийн халамж, ажлын байр бий болгох хөтөлбөрт зориулан ирэх таван жилийн турш 1000 тэрбум вон зарцуулахыг дэмжиж байна” хэмээн мэдэгдлээ.

    Өөрөөр хэлбэл залуу гэр бүлд хүүхдийн тоо нэмэгдэх тусам улсаас үзүүлэх нийгмийн халамж, мөнгөн тэтгэмжийн хэмжээ өсөх төдийгүй, улс тэдэнд ажлын байртай болох, амьдрах орон гэрээ бэлтгэхэд нь туслах юм байна. Эдүгээ Солонгос улсын нийт иргэдийн 49.6 хувь нь өндөр настнууд байгаа бөгөөд 2020 он гэхэд өндөр настнуудын эзлэх хувь 39-н хувь хүртэл буурч, 2030 он гэхэд 30-н хувь нь болно гэсэн судалгаа гарчээ.

 

WWW.MGLRADIO.COM
Солонгос мэдээ булан.