BTS хамтлагийн тоглолтыг үзэхээр 180,000 мянган гадаад иргэн Солонгосыг зорьжээ

0

Солонгосын соёл урлагийг гадаадын иргэд ихэд шимтэн сонирхох болсон. Тэр дундаа Солонгос орны талаар Солонгосын алдарт хамтлаг болох BTS-ээр дамжуулан мэдэх болсон гадаад иргэд нэлээдгүй байдаг байна. Тэгвэл тус хамтлаг дэлхийг тойрон хийсэн аялал тоглолт нь саяхан дуусаж, хамгийн сүүлийн хаалтын тоглолтоо өнгөрөгч 10 сард БНСУ-ын Сөүл хотноо хийсэн бөгөөд уг тоглолтыг үзэхийн тулд 180,000 мянга гаруй гадаад иргэн Солонгос улсыг зорин очжээ. BTS хамтлаг нь Английн Wembley National Stadium гэгдэх дэлхийн хамгийн алдартай дуучид тоглолтоо хийдэг стадиумд Солонгос улсаас анх удаа тоглолтоо хийсэн хамтлаг болсон бөгөөд тэдний тоглолтын тасалбар ердөө нэгхэн цагийн дотор зарагдаж дуусжээ. Мөн Саудын Арабад тоглолтоо хийсэн анхны хамтлаг болсон байна.

BTS хамтлаг Солонгос улсыг дэлхийд таниулж буйн ачаар  жил ирэх тусам Солонгос орныг зорих жуулчдын тоо өсөн нэмэгдэж байгаа аж. Үүнээс үзэхэд BTS хамтлаг Солонгос орны соёл урлагийг дэлхийд таниулах төдийгүй жуулчдыг Солонгос орон руу татах болсон гол шалтгаануудын нэг гэж хэлж болох юм. Саяхан болсон 3 өдрийн тоглолт гэхэд Солонгос улсын эдийн засагт ч мөн нөлөөлсөн бөгөөд дунд хэмжээний 6 компанийн жилийн борлуулалттай дүйцэхүйц хэмжээний ашиг орлого авчирчээ.

WWW.MGLRADIO.COM
Солонгос мэдээ булан