Солонгос хэл сурахад тань туслах сурах бичгүүд

Leave a Comment
554

Солонгос хэл суралцах хүсэлтэй залууст зориулан Солонгос хэлний сургалтын материалуудыг танилцуулж байна.

Монгол хүнд зориулсан Солонгос хэлний цогц сурах бичиг (몽골인을 위한 종합 한국어)

Тус ном нь зургаан цуврал ном бөгөөд дотроо дасгалын ном болон сонсох сидиг багтааснаараа Солонгос хэлний түвшин тогтоох шалгалтанд бэлдэж байгаа хүмүүст тун хэрэгцээтэй номуудын нэг юм. Учир нь Солонгос хэлний түвшин тогтоох шалгалт 6 шат байдагтай адил уг ном ч мөн адил зургаан цуврал буюу анхан шатнаас эхлээд гүнзгий түвшний хичээлүүдийг багтаажээ.

Сэжун Солонгос хэл (세종 한국어)

Энэхүү номыг Солонгос хэлний сургалтын төвүүд түлхүү ашигладаг бөгөөд анхан шатнаас эхлээд гүнзгий шат хүртэлх хичээлүүдийг багтаасан ном юм. Мөн дасгал ажлын номтой тул үзсэн хичээлээ давтан суралцах боломжтой.

Гадаад хүмүүст зориулсан Солонгос хэлний дүрэм (외국인을 위한 한국어 문법)

Уг ном нь Солонгос хэлний дүрмийн мэдлэгээ сайжруулах хүсэлтэй хүмүүст зориулсан ном. Солонгос хэл сурч байгаа хэдий ч дүрэм талдаа муу эсвэл анхан шатны дүрмүүдийг байнга ашигладаг хүмүүст энэхүү номыг санал болгож байна. Учир нь тус номонд Солонгос хэлний үүслээс эхлээд өгүүлбэрийн бүтэц, төрөл болон ямар дүрмийг ямар тохиолдол ашиглахыг нарийн тайлбарласан байдаг.

Сэжун Солонгосын соёл (세종 한국 문화)

Солонгос улсын соёл, зан заншлын талаар дэлгэрэнгүй тайлбарласан энэхүү номыг ашигласнаар Солонгос хүнтэй мэндлэхээс эхлээд тухайн орны соёлын онцлог, түүх гэх мэт олон төрлийн мэдлэгтэй болох боломжтой юм.

WWW.MGLRADIO.COM
Солонгос мэдээ булан