Сөрөг сэтгэгдлээс болж амиа хорлосон алдартнууд

Leave a Comment
7925

Өчигдөр /2019.10.14/ дуучин, жүжигчин Солли амиа хорлосон харамсалтай хэрэг Солонгосын хэвлэл мэдээллийн хэрэгслүүдээр шуугиан тариад байна.
Учир нь алдартнууд руу хандсан сөрөг сэтгэгдэл, хараах, доромжлох нь тухайн хүнд маш их сэтгэлийн шарх үүсгэж, энэ нь цаашлаад амиа хорлолтод хүргэж байгаа талаар мэдээлжээ. Мөн алдартнуудын талаар сөрөг сэтгэгдэл бичсэн хүнд хариуцлага тооцох хөдөлгөөн хүртэл эхлүүлээд байгаа юм.
Сөрөг сэтгэгдлээс болж амиа хорлосон Солонгос алдартнуудын талаар мэдээллийг хүргэе.

U;nee
2007 оны 1 сарын 21-ны өдөр 27 настай дуучин U;nee өөрийг нь үзэн ядсан сэтгэгдлээс болж амиа хорлосон ажээ. Тухайн үед 3 дах цомгийн ажлаар тун завгүй байсан дуучинд “хагалгаа хийлгэж хөөрхөн болсон”, “хиймэл хүн болтлоо хагалгаа хийлгэж”, “Тэр архи,тамхи их хэрэглэхээр царайтай юм” гэх мэт сэтгэгдэл бичиж байжээ. Түүнчлэн хэцүү байгаа талаараа олон нийтийн сүлжээнд хуваалцсан ч хүмүүс төдийлөн тоогоогүй аж. Дуучин бүсгүйг нас барсны дараа түүний шинэ цомгийг худалдаанд гарган компанийх нь зүгээс эмгэнэл илэрхийлсэн байна.

Жон Да Бин
Жүжигчин Жон Да Бин тухайн үед нэлээдгүй рейтинг өндөртэй кинонд тоглож байсан хэдий ч гэнэт амиа хорлосон байна. Тэрээр найз залуутайгаа орой болтол архи ууж байгаад найз залуу нь унтаж ганцаараа үлдсэн бөгөөд өглөө найз залуу нь ариун цэврийн өрөөнд амиа хорлосон байдалтай байхад нь олжээ. Түүнийг мөн сөрөг сэтгэгдлээс болж амиа хорлосон гэж үздэг байна.

Shinee хамтлагийн гишүүн Ким Жун Хён
2008 оны 5 сард Shinee хамтлагийн дуучнаар урлагийн ертөнцөд хөл тавьжээ. Солонгос төдийгүй олон улсад алдартай хамтлагийн гишүүн байсан тэрээр 2017 оны 12 сарын 18-ны үдээс хойш 6 цагийн үед ухаан алдсан байдалтай гэрээсээ олдсон байна. Тэрээр эмнэлэгт хүргэгдээд удалгүй нас баржээ. Түүний хувийн амьдралд фенүүд хэт их оролцож үерхэж байсан найз бүсгүйг нь үзэн ядаж , сөрөг сэтгэгдэл ихээр бичиж байсан бөгөөд тэрээр ганирхах өвчинтэйгээ тэмцэж эм хүртэл ууж байсан аж. Хэдийгээр түүнийг зөвхөн сөрөг сэтгэгдлээс болж амиа хорлосон гэж үздэггүй ч фенүүдийх нь хэт их анхаарал түүнд нэлээдгүй хэцүү байдлыг үүсгэж байсан юм.