Home Blog Page 2

Нутаг буцаж байгаа БНСУ-д оршин суух визийн зөрчилтэй иргэдийн анхааралд

0
УОК-ийн шийдвэрийн дагуу Монгол Улсаас БНСУ-д суугаа ЭСЯ нь тус улсаас нутаг буцах хүсэлт гаргасан иргэдийн хүсэлтийг хүлээн авч, тусгай үүргийн нислэгт жагсаалтын дагуу хамруулах ажлыг зохион байгуулан ажиллаж байна. БНСУ-д оршин суух визийн хугацаа хэтрүүлсэн иргэд жагсаалтын дагуу тусгай үүргийн нислэгт багтсан ч БНСУ-ын ГИХГ /immigration/-д сайн дураар нутаг буцах хүсэлтээ бүртгүүлээгүйгээс Инчон ОУНБ-аас нутаг буцаж чадалгүй буцаагдах тохиолдол гарсаар байна. Иймд визийн зөрчилтэй иргэд дараах зүйлсийг анхаарна уу. Үүнд:
1. Сайн дураар нутаг буцах хүсэлт /자진출국/-ийг харьяа ГИХГ /immigration/-т ажлын 4-өөс доошгүй хоногийн өмнө гаргана. Сайн дураар нутаг буцах хүсэлтийн хүчинтэй хугацаа 30 хоног байх ба энэ хугацаанд тусгай үүргийн нислэгт хамрагдаж чадаагүй тохиолдолд хүчинтэй хугацаа дуусахаас өмнө харьяа ГИХГ-т очиж дахин сунгуулна.
2. Сайн дураар нутаг буцах хүсэлт гаргасан иргэд нислэг үйлдэгдэх өдөр нислэгийн бүртгэл эхлэхээс 2-3 цагийн өмнө Инчон ОУНБ-д очиж онгоцны буудлын ГИХГ-т сайн дураар нутаг буцах хүсэлт гаргасан бичиг болон нислэгийн тийзийн хамт бүртгүүлж тэмдэглэгээ хийлгэж, шалгуулна.
3. БНСУ-д төрсөн оршин суух визгүй хүүхдийн хувьд /эцэг эх нь оршин суух визтэй ч суугаа орны ГИХГ-т бүртгэгдээгүй хүүхэд мөн хамаарна/ эмнэлгийн төрсний тодорхойлолт /출생진단서/, гадаад паспорт, эцэг эхийн гадаад паспортын хамт ГИХГ-т бүртгүүлж, торгууль /хүүхдийн оршин суусан хугацаанаас торгуулийн хэмжээ хамаарна/ төлснөөр хилээр гарах эрх нээгдэнэ. Хүүхдээ бусдад итгэмжлэн нутаг буцааж байгаа тохиолдолд хүүхдийн эх, эцэг итгэмжлэл гаргаж, ЭСЯ-ны Консул хэлтсээр нотариат хийлгэсэн байна. Итгэмжлэл болон орчуулгын эх хувийг хүүхдийг итгэмжлэн авч яваа хүн биедээ авч явна.
Эх сурвалж: МОНГОЛ УЛСААС БНСУ-Д СУУГАА ЭСЯ-НЫ
КОНСУЛЫН ХЭЛТЭС

НҮБ: БНАСАУ хориг арга хэмжээнүүдийг зөрчсөн хэвээр байна

0

ВАШИНГТОН. /Yonhap/. БНАСАУ НҮБ-ын Аюулгүйн Зөвлөлийн хориг арга хэмжээнүүдийг үргэлжлүүлэн зөрчиж, нефть, нүүрс гэх мэт хориотой түүхий эдийг импортлон экспортолж байгаагаас гадна хатуу валют олохын тулд ажилтнуудаа бусад оронд байлгасан хэвээр байж магадгүй байна гэж НҮБ-ын шинжээчдийн ажлын хэсэг даваа гарагт мэдээллээ.

“БНАСАУ нефтийн бүтээгдэхүүнийг усан онгоцноос усан онгоц руу шилжүүлэх замаар хууль бусаар импортлон Аюулгүйн Зөвлөлийн тогтоолуудыг зөрчсөн хэвээр байна” гэж НҮБ-ын цахим хуудсанд нийтэлсэн тайланд тэмдэглэжээ. НҮБ-ын Аюулгүйн Зөвлөлийн авсан хориг арга хэмжээнүүдийн дагуу БНАСАУ-ыг жилд 500 мянган торхоос илүү нефтийн бүтээгдэхүүн импортлохыг хориглосон юм.

Шинжээчдийн ажлын хэсгийн мэдээлснээр, энэ оны эхний таван сарын тооцооллоор БНАСАУ хэдийн тогтоосон хязгаарыг хэтрүүлсэн байх төлөвтэй байгаа ажээ.

Эх сурвалж: Montsame.mn

Үйлдвэрт гарсан галын улмаас Монгол иргэн угаартжээ

0

Өнгөрөгч 23-ны өдрийн 11 цаг 27 минутын үед Гёнбуг Гёнжү хотод байрлах нэгэн үйлдвэрт гал гарч галын улмаас Монгол улсын иргэн угаартсан хэрэг гарсан байна. Гёнжү хотын гал түймрээс хамгаалах газраас мэдэгдэж буйгаар “Үйлдвэрт нэг хүн байгаа гэх мэдээллийг холбогдох хүнээс авсны дагуу орж шалгахад хоёр давхарт угаартаж ухаан алдсан Монгол улсын иргэнийг олсон. Ингээд түүнийг эмнэлэгт хүргэсэн азаар амь насанд нь аюулгүй байсан”  хэмээн мэдэгдсэн байна. Тухайн үйлдвэрийн галыг гал командын 57 ажилчин ажиллаж нэг цагийн дотор бүрэн унтрааж чадсан байна. Одоогийн байдлаар гал гарах болсон шалтгааныг шалгаж байгаа ажээ.

Солонгос мэдээ булан

WWW.MGLRADIO.COM

Хотын замд зорчиж байсан автобусанд гал гарчээ

0

Өчигдөр/09.28/ өглөөний 10 цаг 8 минутын үед Гёнгиду Гимпо хотын замд зорчиж байсан автобусанд гал гарчээ. Гал гарах үед автобусанд жолоочоос өөр хүн байгаагүй бөгөөд 20 минутын дараа гал унтарсан байна. Жолооч А “Хотын замд явж байхад гэнэт автобуснаас чимээ гарч эхэлсэн тэгээд удалгүй автобусны хойноос хар утаа гарч эхэлсэн” хэмээн мэдүүлэг өгчээ. Одоогийн байдлаар гал гарах болох шалтгааныг судалж байгаа ажээ.

Эх сурвалж: Naver.com

Солонгос мэдээ булан

WWW.MGLRADIO.COM

Сөүлийн албан тушаалтан амиа алдсан хэргийг хамтран мөрдөн шалгахыг уриалжээ

0

СӨҮЛ. /TASS/. БНСУ-ын иргэн Шар тэнгис дэх хил орчимд амиа алдсантай холбогдуулан БНСУ, БНАСАУ аль болох хурдан мөрдөн шалгах ажиллагаа явуулах хэрэгтэй гэж БНСУ-ын Ерөнхий сайд Чон Се Гюн мэдэгджээ.

Өмнөд Солонгос болон Хойд Солонгосын төлөөлөгчид хамтран ажиллахад саад учрахгүй гэж үзэж байна хэмээн тэрбээр онцлохын сацуу хэргийн нарийн учрыг олж илрүүлэх, цаашид ийм зүйл дахин давтагдах ёсгүйг цохон тэмдэглэлээ.

Түүнчлэн хоёр улсын харилцаа хурцадсаны дараа үйл ажиллагааг нь зогсоосон харилцаа холбооны шугамуудаа сэргээх шаардлагатайг Чон Се Гюн мэдэгдэв. “Хоёр Солонгосын цэргүүд хоорондын харилцаа холбооны шугам хэвийн ажиллаж байсан бол иймэрхүү харамсалтай хэрэг гарахаас сэргийлж чадах байсан юм” хэмээн тэрбээр онцлон тэмдэглэв.

БНСУ-ын Далай, загасны аж ахуйн яамны харьяа загас агнуурын хяналтын газрын ажилтныг Умард Солонгосын хилчид буудан хөнөөж, цогцсыг нь шатаасан гэж өмнөдийн цэргийнхэн 9 дүгээр сарын 28-нд мэдээлсэн юм. БНСУ-ын Штабуудын дарга нарын хорооноос мэдээлснээр, Умард Солонгосын тал коронавирусний халдвар нэвтрэхээс урьдчилан сэргийлэх зорилгоор тус улсын эрх баригчдын баталсан хорио цээрийн журмын дагуу ийм арга хэмжээ авчээ. Үүнтэй холбогдуулан БНАСАУ-ын удирдагч Ким Жөн Ун БНСУ-ын Ерөнхийлөгч Мүн Жэ Ины засаг захиргаанд уучлалт хүссэн захидал илгээсэн юм.

БНСУ-д халдварын 38-н шинэ тохиолдол бүртгэгджээ

0
БНСУ-ын Халдварт өвчин судлалын төвийн 10:00 цагийн мэдээллээр тус улсын хэмжээнд коронавирусаар халдварласан тохиолдол 9 дүгээр сарын 29-ний 00.00 цагийн байдлаар 38-аар нэмэгдэж нийт 23699-д хүрэв. Шинээр илэрсэн 38 тохиолдлын 15 нь хилийн чанадаас зөөвөрлөгдөн ирсэн байна. Нийт 21470 (+178) иргэн эдгэрсэн бол 407 (+1) иргэн нас барсан. Одоогийн байдлаар 2,313,044 (+11741) иргэнийг шинжилгээнд хамруулснаас 2,269,289 (+10234) иргэний хариу сөрөг гарч 20,056 (+1469) иргэний хариу хүлээгдэж байна. Тусгаарлалтад 1,822 (-141) иргэн байна.
Эх сурвалж: Embassy of Mongolia in Seoul

БНСУ, АНУ Сөүлийн албан тушаалтан амиа алдсан хэргийг хэлэлцэнэ

0

СӨҮЛ. /Yonhap/. Вашингтонд хүрэлцэн ирсэн БНСУ-ын Гадаад хэргийн яамны Солонгосын хойг дахь энх тайван, аюулгүй байдал хариуцсан тусгай төлөөлөгч Ли До Хун АНУ-ын Төрийн нарийн бичгийн орлогч дарга Стивен Бигэнтэй нутаг нэгтэн нь амиа алдсан хэргийг хэлэлцэнэ гэдгээ ням гарагт мэдэгджээ.

БНСУ-ын Далай, загасны аж ахуйн яамны харьяа загас агнуурын хяналтын газрын ажилтныг Умард Солонгосын хилчид буудан хөнөөж, цогцсыг нь шатаасан гэж өмнөдийн цэргийнхэн 9 дүгээр сарын 28-нд мэдээлсэн юм. БНСУ-ын Штабуудын дарга нарын хорооноос мэдээлснээр, Умард Солонгосын тал коронавирусний халдвар нэвтрэхээс урьдчилан сэргийлэх зорилгоор тус улсын эрх баригчдын баталсан хорио цээрийн журмын дагуу ийм арга хэмжээ авчээ. Үүнтэй холбогдуулан БНАСАУ-ын удирдагч Ким Жөн Ун БНСУ-ын Ерөнхийлөгч Мүн Жэ Ины засаг захиргаанд уучлалт хүссэн захидал илгээсэн.

“Yonhap” агентлагийн мэдээлснээр, Ли До Хун, Бигэн нар үүссэн нөхцөл байдлыг зохицуулах асуудлаар хамтын хүчин чармайлт тавих асуудлыг хэлэлцэх аж. Түүнчлэн Солонгосын дайныг албан ёсоор дуусгах хэтийн төлөвийг талууд хэлэлцэж магадгүй байна.

Солонгосын дайн 1950 оны зургадугаар сарын 25-нд эхэлж, 1953 оны долдугаар сарын 27 хүртэл үргэлжилсэн юм. Дайнд амь үрэгдсэн болон шархадсан хүний тоо 5.5 саяд хүрдэг байна. Тийнхүү энэхүү цэргийн мөргөлдөөн нь Дэлхийн хоёрдугаар дайны үеэс хойших амь үрэгдсэн хүний тоогоор хамгийн томд тооцогддог аж. Бүрэн хэмжээний энхийн хэлэлцээрийг талууд өнөөг хүртэл байгуулаагүй учир Солонгосын дайн албан ёсоор дуусаагүй юм.

Эх сурвалж: Montsame.mn

Солонгост халдварын 50-н шинэ тохиолдол бүртгэгджээ

0

БНСУ-ын Халдварт өвчин судлалын төвийн 10:00 цагийн мэдээллээр тус улсын хэмжээнд коронавирусаар халдварласан тохиолдол 9 дүгээр сарын 28-ны 00.00 цагийн байдлаар 50-аар нэмэгдэж нийт 23661-д хүрэв. Шинээр илэрсэн 50 тохиолдлын 10 нь хилийн чанадаас зөөвөрлөгдөн ирсэн байна. Нийт 21292 (+44) иргэн эдгэрсэн бол 406 (+5) иргэн нас барсан. Одоогийн байдлаар 2,301,303 (+4786) иргэнийг шинжилгээнд хамруулснаас 2,259,055 (+5027) иргэний хариу сөрөг гарч 18,587 (-291) иргэний хариу хүлээгдэж байна. Тусгаарлалтад 1,963 (+1) иргэн байна.https://www.cdc.go.kr/board/board.es?mid=a20501000000…

Эх сурвалж: Embassy of Mongolia in Seoul

Японы шинэ Ерөнхий сайд БНАСАУ-ын удирдагчтай уулзахад бэлэн байна

0

НҮБ. /TASS/. Японы шинэ Ерөнхий сайд Сүга Ёшихидэ БНАСАУ-ын удирдагч Ким Жөн Унтай ямар нэг урьдчилсан болзол тавилгүйгээр уулзахад бэлэн байгаагаа баасан гарагт НҮБ-ын Ерөнхий Ассамблейн 75 дугаар чуулганы улс төрийн ерөнхий санал шүүмжлэлд үг хэлэхдээ мэдэгдлээ.

Дэлхийн удирдагчид коронавирусний цар тахлын үед аюулгүй байдлын арга хэмжээнүүдийг хэрэгжүүлж буйтай холбоотойгоор НҮБ-ын Ерөнхий Ассамблейн чуулганд дүрс бичлэгээр дамжуулан үг хэлж байгаа юм.

“Японы шинэ Ерөнхий сайдын хувиар би Ким Жөн Ун даргатай урьдчилсан болзолгүйгээр уулзахад бэлэн байна” гэж Сүга тэмдэглээд Токио хоёр талын чухал асуудлуудыг цогцоор нь шийдвэрлэх замаар Пёньянтай харилцаагаа бүрэн хэвийн болгохын төлөө байгааг цохон тэмдэглэжээ.

Японы Засгийн тэргүүн мөн хоёр орны хооронд үр бүтээлтэй харилцаа тогтоосноор Япон, БНАСАУ-ын ашиг сонирхолд нааштай нөлөөлөөд зогсохгүй бүс нутагт энх тайван, тогтвортой байдлыг бэхжүүлэхэд асар их хувь нэмэр оруулна гэдэгт итгэлтэй байгаагаа илэрхийлэв. “Би энэ зорилгод хүрэхийн тулд ганц ч боломжийг алдахгүй” гэж тэрбээр цохон тэмдэглэжээ.

Эх сурвалж: Montsame.mn

ЭХ ОРОНДОО НУТАГ БУЦАХ ХҮСЭЛТ ГАРГАСАН ИРГЭДИЙН ТУХАЙ МЭДЭЭЛЭЛ

0
ЭХ ОРОНДОО НУТАГ БУЦАХ ХҮСЭЛТ ГАРГАСАН ИРГЭДИЙН ТУХАЙ МЭДЭЭЛЭЛ
2020 оны 9 дүгээр сарын 24-ний пүрэв гарагийн байдлаар Консулын хэлтэс нийт 4979 иргэний өргөдлийг хүлээн аваад байна. Өргөдөл гаргасан иргэдийн 96 буюу 2 хувийг өндөр настан /асран хамгаалагчийн хамт/, 617 буюу 12 хувийг 0-18 насны хүүхэд /асран хамгаалагчийн хамт/, 34 буюу 1 хувийг жирэмсэн эх /асран хамгаалагчийн хамт/, 100 буюу 2 хувийг эрүүл мэндийн шалтгаантай иргэд /асран хамгаалагчийн хамт/, 8 буюу 0.2 хувийг хөгжлийн бэрхшээлтэй иргэд /асран хамгаалагчийн хамт/, үлдсэн 4178 буюу 82.8 хувийг бусад хүндэтгэн үзэх шалтгаантай иргэд эзэлж байна.
Дэлгэрэнгүй мэдээллийг энд дарж авна уу.
Эх сурвалж: Embassy of Mongolia in Seoul
Сурталчилгаа

Майк Помпео 10 дугаар сарын 4-8-нд Япон, Монгол, Өмнөд Солонгост айлчилна

0
ВАШИНГТОН. /TASS/. АНУ-ын Төрийн нарийн бичгийн дарга Майк Помпео 10 дугаар сарын 4-нөөс 8-ны хооронд Япон, Монгол болон БНСУ-д айлчилна гэж тус улсын Төрийн...

“2020 оны Онлайн Солонгосын долоо хоног” арга хэмжээ болно

0
Бүгд Найрамдах Солонгос Улсаас Монгол Улсад суугаа Элчин сайдын яам UBS Телевиз хамтран зохион байгуулж, Нийслэлийн Аялал Жуулчлалын Газрын дэмжлэгтэйгээр “2020 оны Онлайн Солонгосын...

Ургацын баярын үеэр халдваргүйжүүлэлтийн тусгай арга хэмжээ авна

0
Ургацын баярын амралтын өдрүүдээр тус улсын Засгийн газраас хот суурин газарт үйлчилгээ эрхэлдэг хоолны газар, кино театр гэх мэт үзвэрийн газруудын ариутгал халдваргүйжүүлэлтийг чангатган,...

Монгол иргэд нутаг нэгтнийхээ амь насанд хүрчээ

0
Мөнгөтэй холбоотой асуудлаар маргалдаж нутаг нэгтнийхээ аминд хүрсэн Монгол иргэдийг баривчилжээ. Ганвон Дунхэ цагдаагийн газраас мэдэгдэж буйгаар Монгол улсын иргэн А (22 настай) болон Б (38 настай)...

Нутаг буцаж байгаа БНСУ-д оршин суух визийн зөрчилтэй иргэдийн анхааралд

0
УОК-ийн шийдвэрийн дагуу Монгол Улсаас БНСУ-д суугаа ЭСЯ нь тус улсаас нутаг буцах хүсэлт гаргасан иргэдийн хүсэлтийг хүлээн авч, тусгай үүргийн нислэгт жагсаалтын дагуу...

Уншиж байна ...

Дахин ачаалах

Сонсох

Дууг хаах

Монгол