БНСУ-д интернет тоглоомын газруудын үйл ажиллагаа хэвийн явагдаж эхэлжээ

0
141

БНСУ-д нийгэмд зай барих дэглэмийг сулруулан 2,5-р шатлалаас 2 дугаар шатлал руу бууруулсан билээ. Уг арга хэмжээний хүрээнд интернет тоглоомын газрууд шинэ журмын дагуу үйл ажиллагаагаа хэвийн явуулж эхэлжээ. Шинээр гарсан журмын дагуу интернет тоглоомын газраар үйлчлүүлэхдээ хүнсний бүтээгдэхүүн идэж болохгүй бөгөөд гаднаас хоол, хүнс худалдан авч хэрэглэх ч мөн хориотой аж. Түүнчлэн үйлчлүүлэгчид өөрийн хувийн мэдээллээ заавал бүртгүүлэх бөгөөд хоорондоо нэг сандлын зайтай суух аж. Мөн 19-өөс доош насны хүүхэд интернет тоглоомын газраар үйлчлүүлэх боломжгүй ажээ. Сөүл хотын захиргаанаас нийт 2750 гаруй интернет тоглоомын газруудад байнгын хяналт шалгалт хийж ажиллах бөгөөд дээрх журмуудыг зөрчсөн тохиолдолд хуулийн дагуу арга хэмжээ авах ажээ.

Эх сурвалж: SBS NEWS

Сэтгэгдэл үлдээх