Бал сарын аяллаараа хүний амь аварчээ

0
200

Дэжон хотын цагдаагийн ерөнхий газрын харьяа цагдаагийн түрүүч Ким Тэ Соб (32 настай) өнгөрөгч 8-сарын 29-ны өдөр гэрлэлтээ батлуулж эхнэрийн хамт бал сарын аяллаар Чэжү арлыг зорьсон байна. Хосууд далайн эргээр салхилж байх үед 20 гаруй насны залуу усанд живж байгааг олж харан аварчээ. Тухайн үед Солонгосыг Майсак хар салхи дайрч өнгөрч байсан учир далайн давлагаа хүчтэй байсан бөгөөд усанд живсэн залууг аврахад тун хүндрэлтэй байжээ. Гэсэн хэдий ч залууг аварч чадсан бөгөөд түргэн тусламж дуудаж эмнэлэгт хүргэсэн байна. Ингээд тус хэргийн талаар интернетээр тархаж маш олон хүмүүс хосуудад талархсанаа илэрхийлсэн ба Дэжон хотын захиргаанаас цагдаагийн түрүүч Ким Тэ Соб-ыг “Шударга зөв сэтгэлтэй иргэн”-д нэр дэвшүүлэн өнөөдөр /09.22/ шагнал гардуулжээ. Мөн хотын захиргаанаас “Аюултай үед бусдын амь насыг аврахын тулд амь биеэ зориулсан цагдаагийн түрүүч Ким Тэ Соб танаа гүн талархал илэрхийлж байна” хэмээжээ.

Эх сурвалж: Daum.net

WWW.MGLRADIO.COM

Сэтгэгдэл үлдээх